اخواتى الفتوكات دى اول مشاركه لى بالمدونة ويارب فكرتى تعجيبكم
انا بقيت ست بيت حاليا بعد ماسيبت شغلى عشان خاطر ابنى يوسف ربنا يخليهولى قولوا آمين::
المهم بقى شغلى الشاغل حاليا البيت والاكل وكل يوم نفس السؤال الى بيتكرر
حناكل ايه النهارده؟
فانا فكرت اننا نضيف بعض الأكلات الغريبه الى عمرنا ماعملناها الى قائمتنا الاسبوعيه للتنويع
بمعنى ان كل واحده مننا ممكن تكون شيف فى بيتها وتخترع وتطلع الاكله حلوه وانا متأكده ان فى كتير مننا جرب الحكايه دى 
ومن هنا جاتلى الفكره عشان نساعد بيها بعض
صدقونى ممكن نعمل اكلات تجنن لو حطينا شويه حاجات فوق بعضها ممكن تطلع اكله جنان
جربوا بس وادعولى ويالا كل واحده تفكر فى اكله عملتها او حتعملها ونقول لبعض عليها
حرجعلكم تانى واقولكم على اول اكله من اختراعى وسمتها بيتزا البيض 
بس الاقى استجابه منكم عشان اقدح زناد فكرى
ملحوظه : الى تقول على اكله لازم تتبع الشروط دى اولا0000000000تكون مجرباها هى الاول , مش هى تخترع واحنا ندبس
الاكله تراعى فيها المقادير عشان تطلع معانا مظبوطه
ياريت لو تسميها اسم معين نعرفها بيه , عشان لما تعجبنا مانقولش الاكله الى ماتتسمى 
المخترعه لابد ان تكتب اسمها واضحا , افرد لاقدر الله حد عملها وحصله حاجه عشان نعرف نقاضيها ونرفع عليها قضيه 
كفايه عليكم كده ونشوف مين اول مخترعه تسجل اسمها (ماتخفوش من غير مانرفع قضيه)
مواضيع هذا القسم برعاية
الدلوعه_لولو الدلوعه_لولو images/avatars/sunset.jpg سوبر فتكات Fatakat 311126 بلدي – مصر