السلام عليكم ورحمة الله وبركاته
ازيكم يارشيقات المستقبل ربنا معايا و معاكم ونخس كلنا باذن الله
دي اخر محاولة ليا معاكم وياتنجح يامتنجحش
انا وزني 89 وطولي 186
كل اللي انا عايزاه اني الاقي ناس تكون عندها ارادة حقيقية وعزيمة علشان تشجعني وانا اشجعها
عملت جروب قبل كده وفي ناس اشتركت كتيييييييييييييييييييير قوي
اللي تيجي تسجل ومااعرفش حاجة عنها بعد كده ودووول كانوا كتير قوي
واللي كل اسبوع تقول اانا لخبط الاسبوع ده وتعالي نبدا من يوم السبت
واللي تمشي على سطر وتسيب سطر
خلااااااااااااااااااااااااااص انا زهقت وجالي احباط من كتر ماانا عمالة اشجع فيهم ومحدش بيشجعني
انا خسيت لغاية دلوقتي 4 كيلو نفسي اكمل بقى واوصل لوزني المثالي
مايهمنيش ان يكون في 10 في الجروب ولا 20………. لو واحدة بس تمشي معايا وتشجعني لاخر مشوارنا يبقى ده كفاية اوي::
اعذروني في كلامي بس انا بجد متنرفزة جدااااا
ومعقول مفيش واحدة هنا في المدونة عندها صبر وارادة وحماس
وللعلم اللي هاتشترك معايا انا هشجعها بكل قوة وحماس وهافضل وراها بس ياريت زي مابدي زي مااخد
بس اللي تحب تشترك ياريت لو سمحتي تسالي نفسك الاسئلة دي الاول
هتقدري تخشي كل يوم تكتبي يومياتك ؟؟
عندك ارادة وصبر يخلوكي تلتزمي بالرجيم وماتلخبطيش على قد ماتقدري؟؟
لو الاجابة بنعم ومتاكده يبقى اتفضلي سجلي معايا وانا هاشيلك على راسي
غير كده لو سمحتي ماتسجليش علشان ماتحبطنيش الله يباركلك
القواعد
– بالنسبة للرجيم انا مش هانزل رجيم معين كل واحدة تشوف الرجيم اللي يريحها وتمشي عليه بس تعرفنا نظامها واللي مش عارفة تقولي وانا اجيب لها نظام
– ياريت نعمل رياضة على الاقل 3 مرات في الاسبوع
– الدخول يوميا في اي وقت مناسب من اليوم لكتابة اليوميات الا اذا لسمح الله في ظروف تمنع
– انا هاجرب المشروب السحري بتاع الجنزبيل الاسبوع ده وده اختياري ليكم
ماتزعلوش من كلامي ياريت تعذروني حقكوا عليا
والله انا بحبكم جدا بس ده كلام كان جوايا وانا اللي في قلبي على لساني
marmr_012 marmr_012 360010_21.gif فتكات ست الكل Fatakat 360010 cairo – cairo