اذيكم يا بنات انا حبيت اشارك باول حاجه من ايدى معاكم لانى حبيتكم جدا جد ا وحبيت افيدكم ولانى الايام دى فاضيه بعد غلق الاداره لى مواضيع حراز والمستورد وجارى احضار التصاريح من وزاره الصحه فحسيت انى زهقانه وقلت اطلع غلبى فى المطبخ هههههههههههههههه
لا قيت جوزى داخلى بجمبرى وانتم عارفين الايام دى الموسم وب 12 جنيه ذى الفل عند مستشفى النصر او عند المعديه المهم
قلت بقى طالماا مرطرط فى السوق أما افنن بيه على العشاء ههههههههههههه
وانا حبيت ابدأ معاكم بالكالينولى لانى اولا بحبه جدا ثانيا جوزى بيحبوا اوى بالذات بالجمبرى لانه بيحب اى حاجه بالجمبرى وللعلم انا جربته قبل كدا بصدور الفراخ وطلع حكاااااااااااااااااااااايه بس انهارده حنجرب بالجمبرى
ندخل فى الموضوع
المقادير
2 كوب دقيق او كوب ونصف حسب ما تاخد العجينه
2 بيضه
نصف لتر لبن يعنى كوب ونصف
25 جرام زبده يعنى معلقتين تلاته كدا
ملح
فلفل
كارى رشه خفيفه اوى
مقادير الحشو
ربع ك جمبرى مقش
6 فصوص توم مهروس
4 فلفلات اخضر
زيتون اسود واخضر
كارى برضو ملعقه كامله
بس نبدا باسم الله
نعمل الاول الحشو ونحضره عشان يبرد
نحط الجمبرى ونقطع عليه فلفل اخضر والثوم ورشه كارى والملح والفلفل على النار لمده سبع دقائق
او حسب حجم الجمبرى بيكون السوى وبعدها نقفل علي النار ونحط الزيتون وحينزل الجمبرى صوص ياريت ناخد الصوص ونحتفظ بيه وحقولكم ليه دلوقت
نحط الاول كل المكونات فى فى الخلاط ازاى اقولكم
احط اللبن وبعدها الكارى والبهار والبيض والفلفل الاسود
والزبده ونحط الدقيق شويه بشويه لغايه ما نلاقى سائل متوسط السمك كدا اقل من الكيكه فى السمك طبعا بكتير مائل للسيوله اكتر من التماسك المهم نسيبها ترتاح نصف ساعه
نحط شويه زيت فى الطاسه او ندهن الطاسه بقطنه مليانه زيت مثر ونحط مغرفه كالينولى على النار
نحط مغرفه ونوزعها فى الطاسه
بعدها نقلبها الى ان تحمر بردو
نحشيها كدهو
وانا هنا بلفها شكل مثلث على سبيل التغيير
وبعدين اتنيها كدا
وهنا شكل ملفوف
ندهن الصنيه سمن ونحمى الفرن ونضعها فى فرن متوسط من 10 الى ربع ساعه ونخرجها ونقلبها تحمر من الناحيتتين
ولو حابين بتعملو صوص من صلصه بيوريه ورشه روزمارى وملح وفلفل ونحط على الوش رشه بسيطه دى حسب الرغبه
ونقدمها بالشكل ده
ودى صوره من قريب بعد ماطلعت ويارب تعجبكوا وجربوها والله حتدعولى
ومتنسوش تدعولى كتير بجد وجربوها دى اكله تحفه انا لسه والله أكلاها دلوقت وعجبت زوجى جدا وكمان ابنى بيحبها ادعوالى ان يهدى الله لى ابنى عبد الرحمن ويشفى ابنى عمر ويحفظهم لى من كل سوء ومتنسوش التقيييم لو عجبتكم وياريت الكل يجربها ويددخل يقولى رايه بجد مواضيع هذا القسم برعاية
أم عبد الرحمن وعمر أم عبد الرحمن وعمر 167174_8.gif فتكات ست الكل Fatakat 167174 بورفؤاد – بورسعيد