السلام عليكم يا امهات من الجنه
ويا اصحاب الخبره فى مجال التوحد وسلوك الاطفال
تحيه اجمل العطور لكم جميعا فى الاول انا حبيت احكى لكم حاجه كانت حاصله لى بنتى مريم ولله الحمد اتولدت وكان عندها ميه زرقاء فى عين واحده ومن فضل الله علينا انها بتشوف بالعين التانيه وكمان العين التانيه بس تشاش على فكره انا بحكى الموضوع ده علشان كل ام ابنها او بنتها يعانى من حاجات بسيطه تحمد ربنا على كل عطاياها
وفى عمر 3سنوات لقيتها ما بتتقدمش يعنى اللغه مش بتطور ووصلت لسن تقديم المدرسه وكانت الصدمه بالنسبه لى انها ما قبلتش فى المدرسه بل بالعكس الناظره اتهمتنى انى ماصره فى حئها ومش مهتمه بيها
مع انى ماكنش عندى غيرها وكانت نصب اهتمامى ومريم طبيعيه بشكل كبير فى كل حاجه الاانها فى بعض الاحيان تلف حولين نفسها ووهى ماسكه حته من المنديل وكمان بتنسى بشكل فظيع هى حطت الحاجه فين وتيجى تسالنى عليها وادور انا عليها ده غير مفاتيح البيت اللى ضاعت اكتر من 10مرات وبدون مبالغه
المهم وديتها مستشفى تبارك علشان يشوفوا العطله فين عندها والدكتوره قالتلى عندها سمات توحد بسيطه ازاى ده يعنى ايه توحد ماكنتش فاهمع اعدت ابحث وادور لغايه ما فهمت ايه هو التوحد لاقيت ان بنتى بعيده تماما عن سمات التوحد ديه بس هى فيها حاجه عايزه تظبط ايه هيه مش عارفه
وفضلت اكلمها كتير وجبت ليها اكتر من كتاب كبير للحواديت وهى حبيت الموضوع اوى وابتديت تستجيب ودلوقتى عندها 4سنين يعنى من 6شهور انا بدات معاها لاقيت فى تغير كبير وبتتكلم كويس بس احيانا كلامها بيكون معكوس انا دلوقتى كلمت دكتور ايهاب عيد بتاع قناه الحياه وكان راجل فى منتهى الزوق معايا وقالى هاتيها العياده الى هو مركز احباء الطفوله
وفوجئت لما عرفت تمن الكشف 400جنيه وده ارخص من اماكن كتيير كان نفسى حد من ذوى الخبره فى الموضيع ديه يفيدنى وادينى حكيت الموضوع بحذفيره نفسى حد يساعدنى انا نفسى تكون سويا ونفسى الحقها وهيا صغيره
عايزه ائولكوا حاجه هى موهوبه وممكن تحفظ اى حاجه من مره او مرتين وكمان كشف الدكتور ايهاب غالى اوى ومش عارفه اعمل حاجه
وجزاكم الله كل خير
مريم 2024 مريم 2024 23316_2.gif فتكات هايلة Fatakat 23316 الجيزه – مصر