بناء على طلب الفتوكات العسولات كلهم اللي ردو على موضوعي واللي مردوش
وصفات العوزمة بتاعتي لكل اللي عايزينها
موضوع العزومة بتاعي هو ده
أول عزومة في حياتي الزوجية وربنا سترها هههههههه
https://fatakat.univanet.com/#1653820
دي الوصفات بتاعت العزومة
دي الفراخ
بسيطة خااااالص
اولا انا قطعتها 8 قطع
ثانيا التتبيلة
ملح
فلفل اسود
عصير ليمون (لمونتين او 3)
خل كتير يعني زي ما تحبي
بصلتين كبار مبشورين
شطة
وسبتها تقريبا يوم كامل في التلاجة بس تبيلها كويس اويييييييييييي
ويوم العزومة قطعت بصلة كبيرة حلقات
ورصيت البصلة في الصينية وحطيت الفراخ فوقها
وبعدين شوية زيت ومعلقة سمنة مش كبيرة اوي علشان الفراخ تبقى خفيفة
وحطيب بقى دووووول
معلقة كاري
معلقيتين بهارات
ملح بس محطتش ملح كتير لاني كنت متبلاها في ملح كتير وزيادة اوي
فلفل اسود وشطة
وزعترررررررررررررررررر طبعا
ومعلقة كسبرة
وملقة صلصة صغيرة
ومكعب ماجي
وحطيتها على البوتاجاز وزودتها شوية مية
وكل ما ميتها تنشف تزوديها لغاية ما تستوي
هتعمل صوص جاااااااااااااااامد جدا وهيعجبك اوي
أما الرز بقى
بصي يا ستي
رز مغسول عادي جدا
المكونات
بصلة مقطعة صغيرة
فلفل اخضر مقطع مكعبات
فلفل احمر مقطع مكعبات
معلقتين كاري
معلقة كركم
ملح
فلفل اسود
معلقة صغيرة زعتر
معلقة صلصة
مكعب ماجي
الطريقة
تشوحي البصلة في معلقتين سمنة لغاية ما تصفر
تحطي الفلفل وتقلبي لغاية ما يدبل
بعد كده حطي كل البهارات والصلصة والماجي
وقلبي
وحطي الرز وقلبيه مع كل ده شوحيه فيهم
وبعدين حطي المية بتاعت الرز
وسويه عادي بقى زي اي رز
بالنسبة بقى للمحشي
عادي زي اي طريقة محشي بس انا ضفت على الخلطة زعتر وتوابل محشي وظبطت طعمها وبس
بالنسبة للجلاش
انا جبت لفة جلاش وقسمتها 3 اتلات
ودهنت الصينية سمنه وبعدين حطيت طبقتين وددهنت تاني وهكذا لغاية ما خلصت اول تلت
وحطيت لحمة مفرومة متعصجة بس كنت مشطشطاها
وطمامطماية متقطعة صغير وفلفلاية برده وحطيت التلت التاني ومتنسيش تدهني بين كل طبقتين
وبعدين حطيت زتون وجبنة رومي
وحطيت اخر تلت
ودهنت وشها سمنة
وكوباية لبن وبيضة مضروبين وملح وفلفل وحطيهم على وشها
ودخليها الفرن
بالنسبة بقى للكفتة
هاتي لحمة مفرومة وبصلة مفرومة واعصري ميتها على اللحمة وممكن تحطي حبة من البصل ده عليها وشوية ملح وفلفل وبهارات كفتة
وسيبها شوية في التلاجة وبعدين طلعيها وصبعيها
وبس وسويها عادي في صنية وحطي معلقة سمنة وشوية مية لغاية متستوي وبس
يا اما تحطيها في الفرن وبسسسسسسسسسسس
بالنسبة بقى للبانية
تبلت الفراخ البانية بالخل واللمون وملح وفلفل وبصل
وجبت طبق دقيق وطبق بيض بملح وفلفل وطبق فجيتار
واحطها في الدقيق وبعدين البيض والفجيتار
وحطيهم شوية في التلاجة
وحمريها في زيت وبس كده
وأي خدمة يا فتوووووووووووووكة انتي وهيا
وبالهنا والشفا
وانا تحت الخدمة والطلب وميرسي ان العزومة عجبتكو
ومتنسوش طبعا الدعاء بالذرية الصالحة
ومتنسوش برضه التقييم
ودي بوسة لكل اللي هيردو عليا
مواضيع هذا القسم برعاية
متجر مملكتي متجر مملكتي 256139_4.gif سوبر فتكات Fatakat 256139 المنصورة – مصر