صباحكم فل وياسمين يا فتوكاتى ياحلويين طبعا انا عارفه انكم احلى واحسن شيفات بس انا بقى بتعلم اهو وبجرب واول ما اعمل حاجه حلوة
طبعا لازم اشارك بيها حبايبى الفتوكات رغم ان محدش بيدخل كتير بس انا بعمله لوجه الله ممكن حد يحتاجه وتكون حسنة ليا
انا النهاردة اول مرة اكتب فى قسم البحريات رغم انى بورسعيدية وافتخر النهاردة الوصفه هى :
( صينيه بطاطس وسبيا او سبيط وأرز بالكركم )
الاول هنجيب السبيط او السبيا وننضفهما كويس جدا ونشيل الغطا الاسود ولو عندك عصافير يبقى هينفعهم هههههههه
وبعدين هنجيب بصلتين كبار ونفرمهم ونحط عليهم ملح وكمون وفلفل اسود وادعكهم كويس واحط معاهم جمبرى صغير وزبيب فى الحشوة بتاعه البصلة واحشى بيهم السبيا واجيب خيط وابرة واخيط الغطا من فوق كدا زى البطة عان مش تفك منى وانا بسلقها
وده الطبق اللى فيه الجمبرى اللى خلطه مع البصله والشراشيب كمان عشان هنعمل بيها الارز هى وبيض السبيا
هنحها تتسلق فى بصلة مشوحة وهنعمل بوكيه جارنيه اللى هو جزرة وكرات او بصل اخضر والف
بخيط واحطه مع المايه اللى هتبقى شوربه
واعمل مرته بصل عشان تعطى السبيا طعم ولما المايه تغلى انزل بالسبيا لحد لما تستوى وده شكلها بالشوربه
وده شكلها بعد السلق
هنيجى بقى الوقت نعمل البطاطس
هتعملى البطاطس عادى كانك بتعملى صنيه بطاطس ومتنسيش تعملى تومة ومرتة عشان بتطعم البطاطس وتحطى الشراشيب عادى وتنزلى بعصير الطماطم وتسبيها تتسبك فوق طبعا وبعدين نزليها تحت الشوايه واتفرجوا على شكلها وهى قبل السوا
وده شكلها بعد ماخرجت من الفرن
نيجى بقى للأرز هنجيب الارز ونغسل كويس وبعدين هنشوح بصلة حلوة كدا فى شويه زيت وننزل بالبيضبتاع السبيا ومعاه باقى الشراشيب
واحط معاهم كارى وكركم واقلب كويس وبعدين انزل بالارز واحط بدل المايه شوربه السبيا عشان تتطعم الارز وبجد روعه روعه
وده شكله
يالا بقى نشوف الصورة النهائيه بعد الغرف وتحمير السبيا
وده شكل الارز وانا حطاه فى طبق كبير عشان اوريكى منظره وحلاوته
انا كدا خلصت الموضوع يارب يكون عجبكم واى حد عنده استفسار انا جاهة اكيد واللى مش عاجبه حاجه يعرفنى انا بتقبل النقد جدا متقلقوش
ولو عاجبك قيمى ولو مش عاجبك ادعلى بالذرية الصالحة متنسوش حتى لو فى سرك انا مش طماعه
مواضيع هذا القسم برعاية
ag_romeo ag_romeo 395985_2.gif فتكات رائعة Fatakat 395985 بورسعيد – مصر