السلام عليكم
انا جية النهاردة اعرف اية موضوع الزيوت الكتير اللى انتشرت مرة واحدة دى
قبل ما اتكلم عن الزيوت عاوزة اقلكم انى خسيت 25 كيلو ريجيم ورياضة واعشاب بس الحمد لله اينعم فترة كبيرة بس خسيت
الحمد لله وكنت بتابع مع دكتور
المهم انا وزنى حاليا 75 كيلو والدكتور ثبتنى من اسبوع بس بصراحة انا عاوزة انزل عن ال70 كيلو كمان عشان ان شاء الله ربنا ااما يكرمنى بحمل هزيد فوق ال10كيلو فمش عاوزة ابقى كرنبة ماشية كدة
فدخلت على المدونة هنا اشوف انظمةالريجيم واشوف البنات ماشية ازاى واية المختلف عن اللى بعملة عشان
بصراحة زهقت من الروتين اللى كنت ماشية علية وعاوزة حاجة تانية مساعدة او اسرع بمعنى اصح
وخصوصا انى فطمت بنتى كمان يعنى ممكن اخد اللى كان ممنوع اخدة
فلقيت بنات بتكلم عن زيت الزيتون وزيت الكرفس وزيت الروزمارى وزيت جنين القمح وزيت الزنجبيل وحاجات كتييييييييييييييييييير جدا
بتخسس وبتنحت الاماكن البارزة وفى منهم كريمات كمان
ووبنات تانية ترد على البنات الاولى وتقول لا دة كلام غلط وبيتخن وبيعمل وبيسوى
يا نهر الوان
الكلام والمواضيع كلها فى عكسها تماماا
وبالرغم ان فى فوايد هايلة لاسامى الزيوت الا انها فى الاول والاخر زيوت يعنى سعرات والا اية رايكم
بصراحة انا قعدة اقرا المواضيع والتجارب حيرتونى على حيرتى والله
وانا عارفة ان اللى كنت ماشية علية هو اللى صح ريجيم صحى ورياضة بس انا بجد عندى فضول رهيب ان فعلا الزيوت ممكن يبقى ليها تاثير على الدهون
؟؟
ادخلوا قولوا تجاربكم بصراحة وشفافية وبوضوووووح
واللى جربت تقول حست باية واية الاعراض اللى اتفاجات بيها سلبية وايجابية
ارجوكم يا فتوكات اتفاعلوا معايا
ووضحوا ليا ولغيرى وكل واحدة بتدخل بتتعلق باشاية ودور على اى حاجة وتقعد تجرب فى جسمها
ويحصلها ما لا تتوقعة وترجع تندم
وجزاكم الله خيرا
نوزى حبيبتى نوزى حبيبتى 868230_2.gif فتكات رائعة Fatakat 868230 طنطا – مصر