السلام عليكم
انا هكتب كلام اول مرة اقوله على النت كدة بس بجد انا تعبت واتمنى اني الاقي اجابة عندكم
انا عندي 21 سنة ووانا تخينة من وانا صغيرة
وموضوع التخن ماكنش مشكلة بالنسبة لي لغاية ما دخلت الجامعة واعجبت بزميل لي بس انا حسيت انه ما رضيش بي عشان انا تخينة بالرغم من انه ما قالهاش صراحة بس كانت باينة
المهم انا بعد الموضوع ده حسيت اني مرفوضة من الناس بسبب تخني وبقيت كل ما ادخل مكان بقيت احس اني اقل واحدة في كل البنات بس عشان تخينة واعتزلت الناس بعدها وما بقتش احب اروح الجامعة
والمشكلة اني عملت ريجيمات كتير وبخس بس برضه بتخن واوقات كتير بثبت
الفكرة دلوقتي اني انا تعبت نفسيا زهقت من ضغط الحرمان والريجيمات وحاسة اني مش قادرة اعمل وفي نفس الوقت متضايقة قوي من تخني
قولولي اعمل ايه مع العلم ان موضوع اعتزال الناس كان لاسباب تانية برضه بس اهم سبب هو التخن
بجد انا زعلانة عشان حاسة اني خسرت نفسي ومش قادرة اتقبلها خالص
وبعتذر ليكم عن الاطالة
غيبوبتي غيبوبتي فتكات حبوبة Fatakat 593157 الجيزة – مصرررررررررر
سبحان الله و بحمده