بسم الله الرحمن الرحيم
حبيباتى
كل عام وانتم بخير
فاضل على رمضان شهر ان شاء الله من بكرة
اللهم بلغنا رمضان
فأنا ان شاء الله من بكرة هبتدى ريجيم وطبعا محدش بيشجعنى غير حبيباتى فتوكاتى
وطبعا كل واحدة هتمشى عالريجيم اللى بيريحها
بس الهدف من الموضوع اننا ننوى والنية لله اننا نخس على أد ما نقدر قبل حلول الشهر الكريم
وانا عن نفسي بستريح في ريجيم السعرات
وده ريجيم بيخسس 10 كيلو في شهر
اهم حاجه:
شرب6 كوب ماء على مدار اليوم
اكل 3 و جبات كامله
مشى نص ساعه يومى
تناول الغداء قبل الساعه6
الافطار:
ربع رغيف(بلدى)+طبق فول صغير(4ملاعق)بدون زيت او سمن
او ربع رغيف(بلدى)+بيضه مسلوقه
او ربع رغيف بلدى +قطعه جبن قريش (50 جم)
+كوب شاى(بمعلقه سكر واحده)
ملحوظه:مسموح بتناول2ملعه سكر يوميا او عسل نحل
الغداء:
النشويات:
ربع رغيف بلدى او 3ملاعق ارز او 3 ملاعق مكرونه
الخضروات:
1) طبق سوتيه او شوربه خضار(بدون بطاطس)
2) طبق سلطه خضراء( بثمرة طماطم واحده)اى كميه
اللحوم:
2-1 شريحه لحم احمر(مسلوق او مشوى)150جم
او ربع فرخه مسلوقه او مشويه بدون جلد من الصدر
او 3سمكات مشويه متوسطه الحجم او تونا مصفاه من الزيت و تشطف بالخل
او 2 بيضه مسلوقه
الفاكهة:
ثمرة و احده من اى نوع متوسطه الحجم ماعادا الممنوع من الفواكهة(الفواكهة المسمحه هتلاقيها ان شاء الله فى اخر الموضوع)
العشاء:
كوب حليب سبق غليه لنزع الوش و بدون سكر
او كوب زبادى وسط بدون وش و يمكن اضافه ملعقه رده ويمكنك تحميص الرده
او
قطعه جبن قريش+خيار+طماطم ثمرة واحده
او فاكهة2ثمرة متوسطه الحجم من اى نوع ماعادا الممنوع من الفواكهة
المسموح من الفاكهة:
تفاح-خوخ-جوافه-برتقال-برقوق-موز-كانتالوب-كمثرى-يوسفى
الممنوعات:
غير المكتوب ممنوع و لكن يجب
التركيز فى الاتى:
جميع انواع الحلويات بما فيها اللبان
اللب و الفول السودانى
الشطه والحوادق المخللات
القهوه و المياه الغازيه بجميع انواعها حتى الدايت
بعض الفواكهة مثل: البلح-التين-الشمام-القصب-المانجو-العنب
اللحوم الدسمه و الكبده و الكلاوى و البسطرمه و اللانشون
القلقاس و القرنبيط و البسله و البطاطس
الخضروات الناشفه:الفاصوليه الناشفه و اللوبيا الناشفه
البقوليات فيما عداالفول بدون زيت
الحمام -البط- الاوز- الديك الرومى
عندالآحساس بالجوع:
يمكنك اكل
الجزر(2فقط)-الفجل-الجرجير-الخيار-القته بدون قلب-الفلفل الاخضر الكوسه المسلوقه- البقدونس-الكرات- الخس بدون و رق
اهم حاجة متحطيش سكر مع لبن
وتمشي نص ساعة يوميا
او ترقصى او مشى ف المكان او تطلعى وتنزلى السلم 4 أو 5 مرات يوميا
ها مين هتشجعنى؟
بس رجاءا اللى ناوية فعلا اهلا وسهلاان شالله فتوكة واحدة ونشجع بعض
شيتوس بالشطة شيتوس بالشطة 264244_9.gif سوبر فتكات Fatakat 264244 القاهرة – مصر