السلام عليكم
حبايبى الفتوكات
طبعا انا مش جاية بحاجة فظيعة
بس فى كتير بنات بتخاف تعمل الارز المعمر
مش بتبقى عارفة المقدار
وخايفة مايطلعش ذى مامتها وحماتها بيعملوة
انا كنت واحدة من البنات دوووول
ومع التجارب
جبتلكم خلاصة تجاربى فى الارز المعمر
والحمد لله ظبط
وبقى اسهل حاااااااجة
وبطعم جميل
الارز المعمر بالزبادى من مطبخى بالصور
المقادير
كوبان ارز مغسول وغير منقوع
نصف كوب ماء
1 زبادى
لبن
ملعقة سمن
ملعقة زبدة صفراء
ملح
والصور تتكلم
المياة تساعد الارز انة مايعجنش
ويبقى مفرفر ومفلفل
وهنا
عجنت الارز بالزبدة الصفراء
والزبادى
لحد ماتلاقيش الزبدة مكلكعة
نيجى بقى للجد
نعرف مقدار الارز ازاى؟؟؟؟
انت بعد ماتحطى الزبدة والزبادى
تحطى المياة
والسمن
وبعد كدة تحطى اللبن واحدة واحدة
وتقيسى بصابعك اول عقلة يوصل عندها اللبن
يعنى صباعك يلمس وجة الارز وتكونى مساوياة
اول ماصباعك يلمس سطح الارز وتلاقى العقلة عندها اللبن
يبقى خلاااااااااااااااااااص
كدة تمام
تملحية
وتدخلية الفرن بالسلاااااامة
طبعا تعلى الفرن
واول ماتلاقى اللبن بيغلى
توطى على طوول
وتسبية لحد ماوشة يحمر وتلاقية استوا
ولو عندك قشطة ممكن تحطيها على الوجة قبل ماتدخلي الفرن
بس ابقى قللى شوية من السمن
وبالف هنااااااااااااااااااااااا ليكوا
والزبادى بيخلى طعمة جنان
بيخلية كدة غنى بالطعم
ومستنياكوا
اوعوا تبخلوا عليا بالردود
والتقيم
وانا قدمتة مع كباب حلة بالبطاطس
كباب الحلة بالبطاطس من مطبخ ام مهند الطيوبة بالصور…. مستنياكوا
https://fatakat.univanet.com/#247461
مواضيع هذا القسم برعاية
أم مهند الطيوبة أم مهند الطيوبة 4592_3.gif فتكات غالية قوي Fatakat 4592 متهببة فى الدنيا – مصر