السلام عليكم ورحمة الله وبركاته
اذيكم يا بنات
النهارده جايبه شوية نصايح للمبتدئات فى عالم المطبخ
المبتدئات بس لان الكلام ده معروف عند معظم ربات البيوت
1-عند دخولك المطبخ ضعى شئ على شعرك ايشرب او شبكة شعر لتجنب سقوط الشعر فى الطعام (هيبقى منظر مش ظريف خالص )
2-تجنبى تراكم المواعين (يعنى بالعربى اغسلى الطباق والمواعين اول باول وحاولى متبيتيش اى مواعين )
3- الاوانى التيفال متغسيليهاش بالسلك عشان متتجرحش وتضرك فى الاكل
4-النظافه ثم النظافه ثم النظافه
صحتك هتتوقف عليها متسمحيش ان يكون فى حشرات فى مطبخك
نيجى بقى لاساسيات المطبخ
لازم يكون موجود عندك فى المطبخ
(رز وزيت وسكر وملح وتوابل ومكرونه )
الاساسيات يعنى
طيب فى حاجات ممكن تكون صعيبه شويه ذى تقشير البصل اللى مفيش اكل بيخلى منه
طيب اعمل ايه
فى اعتقاد ان مضغ لبانه اثناء تقشير البصل يقلل من الدموع
كمان المكان اللى تقشرى فيه البصل يكون مفتح عشان الهواء يتجدد
وعلى فكره البصل ده مطهر قوى للعين يعنى الدموع دى بتنضف عينك
خلاص كده تمام
طيب انا لسه جديده فى المطبخ ممكن اعمل ايه يساعدنى
اقولك انا
ممكن سيادتك فى وقت الفراغ بتاعك تمسكى راسين توم وتقشريهم
ممكن بقى تحطيهم فى كيس فى التلاجه فصوص صاحيه مش مدقوقه
وممكن تدقيهم بالتوابل وتشيليهم فى برطمان صغير فى الفريزر
لان الملوخيه والباميه وفى اكلات تانيه بتحتاج الطشه فالتوم يعتبر اساسى
فى مطبخك
كمان ممكن تضربى الطماطم فى الخلاط وتكيسيها على انها صلصه
لو عندك باميه اوبسله ممكن تقلمى الباميه وتشيليها وتتفصصى البسله وتقطعى معاها جزر وخزنى بقى
طيب ايه ابسط الاكلات اللى ممكن ابدا بيها
(رز- مكرونه – كبده – ملوخيه )
الحاجات الساهله وانا لو لقيت منكم تشجيع ممكن اكتبلكم طرق مبسطه خالص ليهم
طيب رمضان على الابواب وانا مش عارفه اعمل ايه
بصى يا قمر طبعا رمضان هيبقى كلو عصاير ومرطبات وحلويات متشيليش هم الكلام ده
انزلى اشترى مانجه ومشمش وقطعيهم شرايح وخزنى كل واحد لوحدده
اعملى اكياس منهم وحطى فى الفريزر يطلع علطول على الخلاط
نصيحه لكل بنت او عروسه هتتجوز
المطبخ مملكتك الخاصه
حاولى تدخلى المطبخ ومتيأسيش اول مره الاكل نص نص تانى مره ولا اكل الشيف
مواضيع هذا القسم برعاية
همسةقمر همسةقمر images/flowersavatars/avatar0028.jpg فتكات رائعة Fatakat 125925 اسيوط – حبيبتى مصر