السلام عليكم
لو سمحتم يابنات كنت عايزة لو حد مر بالموضوع ده قبل كده او عنده فكرة يفيدنى بالله عليكم
انا حامل فى اخر السادس وكان ضغطى عالى من فترة 140 على 90 وانا ضغطى علطول كان مظبوط فالدكتورة طلبت منى تحليل يوريك اسيد فى الدم قالتلى لانه لو عالى بيرفع الضغط والنسبة طلعت 5.8 الدكتورة قالتلى عالى وابعدى عن الفول والطعمية والبقول والباذنجان والقرنبيط واللحوم الحمرا والبط والحمام وقالتلى اكل صدور فراخ بس وابعد عن الوراك المهم انا بحثت كمان على النت لقيت من الممنوعات كمان العدس والسبانخ والاسماك والجمبرى و الكبدة والكلاوي والمخ والكرشة والممبار وحاجات تانى
دلوقتى انا مش عارفه اكل ايه وبلاقى حيرة شديدة فى الاكل فعايزة اعرف هل فعلا النسبة كده عالية والمفروض امنع الاكل ده كله نهائيا ولا اقلل منه بس ياريت لو حد مر بالموضوع ده يفيدنى
نانا المصرية نانا المصرية 349211_1.gif فتكات رائعة Fatakat 349211 القاهرة – مصر
سبحان الله و بحمده