صباح الخير عليكم جميعا يارب
بكل حب وخير بكتب كلامى ده
وياريت يكون من غير زعل
أنا هكتب كلامى ده لمصلحتكم انتم قبل كل شئ والله
انا بحبكم جميعا فى الله
وحاسه بكل واحده فيكم
علشان مريت زيكم وكنت فى فتره من حياتى من أمهات المستقبل
وبصلى وبدعى لربنا ان اكون يوم من الايام أم والحمد لله استجاب
يارب يستجيب لجميع دعوات اللى نفسهم فى حمل قريب قوووى
بالصبر والله وبالدعاء وبالتفائل
كل واحده قريب هتكون أم بأذن الله
يعنى مش هكتب كلام وخلاص
أنا لاحظت فى الفتره الاخيرة وجوده كمية غير طبيعيه لتجمعات الحقن المجهرى ومتابعة تبويض وغيره
يعنى كل شويه فتاتيك عساسيل عملين تجمع خاص بيهم
يعنى هوا التجمع الاساسى مش وافى بالغرض
ده ماشاء الله ولا قوة الا بالله فى تجمعات واصله للجزء ال 168 وكله بنات ولدو وحوامل ومتابعين يعنى كله تفائل وأمل هيبشرك بالخير
وكمان عندهم خبرات من اللى مرو بيه هيفدوكى وتعرفى معاهم على حاجات اكيد مفيش عندك خبرة فيها أو هتأكدى معاهم معلوماتك
احنا يا جماعه قسم صحة المرأة
يعنى مخصصين فقطططططط وحطى تحت فقط دى مليون خط للمواضيع وغير مصرح لقسمنا لعمل اى تجمعات
يعنى قسمنا عباره عن
النسا وأمراض النسا وكل ما يتعلق بيه:استشارات قسم صحه المرأه
اللى متفائلين بالحمل وبأذن الله هيكونو أمهات ويفرح قلبهم واى مشاكل بتقابلهم:امهات المستقبل
الحوامل:ربنا يتمم حملهم على خير
اى تجمع موجود هنا فى اقسمنا على مسؤليتنا الشخصيه يعنى احنا اللى طلبنا من الادارة انها تترك يكون لنا تجمعات تربط البنات بمواضعها
ومش تتشتت ان يكون موضوعها فى مكان والتجمع فى مكان تانى وعلشان عارفين اد أيه كلنا مرتبطين بقسمنا
والحمد لله بيجمع بينا حب وخير واحساس ببعض أد ايه
المفروض المكان الاساسى للتجمعات يأما فى
الشات يا أما فى دردشه ومواضيع عامه
هتقولو وايه علاقة ده بتجمعتنا احنا قلنا كده البنات بتكون محتاجه تكون جمب بعض ويرتبطو مع بعض فى القسم اللى حاسس بمواضعهم
وحاسس بيهم ويتفائلو ببعض
يبقى نلاقى بقى ان كل مجموعه عامله شات
بالله عليكى مش هتتشتتى لما تلاقى كذا شات لنفس الموضوع ويمكن هيكون نفس الكلام
يبقى الاحسن نجمع الشاتات دى كلها فى شات واحد يبقى مجمع وشامل ومحتوى لكل شئ ممكن تحتاجى ليه
ولا أيه رأيك ….؟؟؟؟
وطبعا مش بنقولك كده معناه انك مش تكتبى تجربك وخبررتك
لأى يا قلبى اكتبى موضوع فيه تجربتك وخبرتك اللى مريتى بيها بعد انتهائها وردى على الفتوكات وخليهم يستفادو منك ويسألوكى
بس مش يتحول الموضوع لتجمع وشات ويتفتح منه اجزاء كمان واصلا الموضوع مش تعدى الكذا صفحه
اى واحده عايزة تكتب خبرتها وتجربتها 
تكتبها فى موضوع بس بعد ازنك لما الموضوع ينتهى الغرض منه وتقولى كل خبرتك وتجربتك للبنات هنغلق الموضوع علشان مش يتحول لشات ودردشه
متهيألى انتى كده فهمتى وجهة نظر أدارة القسم
وبعد ازنكم انا هكتب هنا التجمعات اللى مصرح بيها بس واللى موجوده فى القسم من زمان
علشان الفتوكات تعرفها
يعنى هى دى اللى هيكون مصرح بيها فى القسم
واى تجمع اتعمل فى الفتره الاخيرة
هيتم غلقه أو هيتنقل(( للشات ودردشه)) علشان مش ينفع نكرر نفس التجمع
وأى تجمع جديد بردو هيطبق ليه نفس الموضوع
حتى لو له اجزاء انا شوفت تجمع امبارح كان الجزء ال 7 انهارده بقى الجزء 39 سبحان الله
واللى هيتعمل ده والله ما هوا حجر عليكم أو تقيد لكم بموضوع نفسه وتجمع نفسه
ده كله لمصلحتكم انتم وعشان القسم يكون مريح ليكم وتعرفو تبحثو وتشوفو اى موضوع يفيدكم علشانك موضوعك واستفسارك
مش يتوه بين التجمعات
وتوهى فى قسم ما هوا الا تجمعات فقط
علشان لو فضلنا على كده الادارة هتطلب مننا ننقل كل التجمعات دى الشات واحنا بنحبكم وعارفين وحاسين أد ايه كلنا مرتبطين ببعض
وعايزينكم تكونو معانا
محدش هيقدر يحس بيكم غير حد مر بنفس اللى كل واحده مرت بيه
فياريت تسمحونا بأى شئ هنعمله لصالحكم وهيفيد القسم وانتم هتلاحظو ده بأذن الله مع تنظيم القسم وقفل اى تجمع مكرر مشابه لتجمع قديم
وياريت تاخدو كلامى بصدر رحم وتفهموه وتحسو بينا زى ما أحنا حاسين بأى حد فيكم
يارب يارب يا من تزلزل له السموات والارض
يا رحيم يا كريم
كل من تقرأ الموضوع وكل من نفسها فى الحمل وصبرت
الشهر ده تكون حااااااااااااامل بأذن الله قولو آآآآآآآمين
وقيمى الموضوع وقولى رد زى العسل زيك متفهم القسم والكلام
وأى سؤال احنا تحت أمركم
التجمعات المسموح بيها فى القسم وموجوده من زمان
وغير مسموح بأى تجمع غير الموجود فى الموضوع
مع احلى جروب للمتكيسات اللى هيكونوا احلى ماماهات 2024 باءذن الله الجزء85** مع احلى
كابوس انعدام الحيوانات المنوية الجزء السابع
مين بدأت معانا الشهر ده حقن مجهري الجزء168 بكل امل فى♥♥ الله♥♥ مكملين◕‿◕
مين هتبدء متابعة تبويض الشهر دة الجزء 64اسوانية وريري ودودو ودينا ومروة ودعاء حوامل
ومن تانى متجمعين والاستغفار مش ناسيين وعندنا حوامل حلوين (19)
تجمع الحقن المجهري والتلقيح الصناعي الجزء39 وباذن الله ربنا حيكرمنا باحلي بيبي يارب
مريضات بطانة الرحم المهاجرة – امهات المستقبل ان شاء الله الجزء18
تجمع الاجسام المضادة 4 ربنا يرزقنا يارب
نغنوش قلبى نغنوش قلبى 172683_32.gif مشرفة الموقع Fatakat 172683 المنصورة – مصر