أصابع الكفتة بالخضروات
مع التغميسة المخصوص من مطبخ ردينى
سبحان الله وبحمده عددخلقه ورضا نفسه ومداد كلماته وزنة عرشه
كل سنة وانتم بخير بمناسبة قدوم شهر شعبان وأدعوا الله تعالى أن يبلغنا رمضان
الكفته من الأصناف اللى كلنا بنحبها وبنعملها فى بيوتنا والتغيير فيها مطلوب كل حاجة من مكونات الكفتة لما نغيرها بتدى طعم جديد خالص
النهاردة حاعمل لكم كفته مختلفة نسبيا فى مكوناتها وغنية بخضرواتها مع صوص مخصوص بقدمه معاها ودة شكلهامكونات الكفتة
-نصف كيلو لحمة مفرومة
-جزرة مبشورة
-حزمة بقدونس
-بطاطساية نية(مش مسلوقة)
-اتنين ملعقة كبيرة توم مفروم
وللتتبيل :ملح-فلفل-–بهارات
———————————————————————————————————————————————————————————————————————————————————————————————————————-
الطريقة:
فرمت الخضار(الجزر والبطاطس والبقدونس والتوم) فى الكبةهنا فرمت البطاطس
صفيتها كويس بإيدى حتنزل سوايل لازم أصفيها كويس
لإن البطاطس بتنزل مية لما بتتفرم نية
دة شكل الخضروات المفرومة
باضيف اللحمة المفرومة والتوابل
وبافرم تانى ناعم
باعرف ان الكفته اتفرمت ناعم لما كلها تلف فى ناحية واحدة زى الصورة دى
بريحها شوية وباصبعها وعالفرن
ودة شكلها بعد ما استوت
الطعم والشكل حكاية
أنا حمرتها شوية تحت الشواية
بعد ما حطيت عليها حبة زبدة صغيرين
طعمها لطيف خالص جربوها …..جربوا التغيير قدمتها مع الصوص المخصوص …..
الصوص دة إدمان تأكدوا انكم لو جربتوه مرة حتعملوه على طول
مكوناته الأساسية مستردة-زبادى-طحينه وكل ماتزودى النسبة حتديكى طعم مختلف تماما يعنى لو زودتى نسبة الزبادى تديكى طعم تزودى الطحينه تديكى طعم جديد وهكذا
مكونات الصوص المخصوص:
– ليمونة
– ملعقة كبيرة خل
– خمس ملاعق كبيرة زبادى
– ملعقتان كبار طحينة
– ملعقتان أو تلاتة كبار مستردة
– ربع ملعقة توم مفروم ويمكن الاستغناء عنه
– ملح-كمون-بابريكا
– جزر مبشور أو بقدونس مفروم
ضفت المكونات كلها مع بعض
ودة شكله بس أنا بحب أضيف ملعقة مستردة زيادة
علشان كدة اللون بيميل شوية للأصفر
أتمنى انكم تكونوا استمتعم بالموضوع ويكون فيه استفادة ولو بسيطة
أرجوكم لا تبخلوا بالردود والمشاركات
لإن هو دة اللى بيخلى الواحد يعمل موضوعات جديدة
وبدون مشاركات مش حيكون فيه مواضيع جديدة
شكرا ليكم
ولو عجبك الموضوع حاستنى منك تقيميه
ولو جربتى الوصفة وعجبتك حاستنى رأيك
ويا سلام لو دعوة منك بضهر الغيب
بالدنيا وما فيها
نهى مواضيع هذا القسم برعاية
ردينى ردينى 107140_3.gif فتكات ست الكل Fatakat 107140 الرماية – مصر