الحمد لله والصلاة والسلام علي رسول الله
رب اغفر وارحم واعفو وتكرم وتجاوز عما تعلم انك تعلم مالا نعلم انك انت الاعز الاكرم
كيفكم حبيباتي
من زمان كتير ما دخلت قسم الاسماك
ليا فيه موضوع الجمبري ومن ساعتها ما دخلت هنا تاني
وحشتوني قلت اجيبلكم وصفه حلوة واجي اسلم عليكم
المهم
وصفتنا اليوم
سمك بانيه
بخلطة البروست
والسمك اللي هستعمله قشر بياض
معروف انه دسم قوي
ووالولاد عندي ما بيحبوا ياكلوه
قلت اغير يمكن يحبوا الوصفه
وفعلا طلعت جناااااااان
واتنسف السمك من الاطباق نسف
نشوف المقادير
سمك فليه قشر بياض
بيض
كوب زبادي
دقيق
بهارات سمك
توم بودرة كسبره كمون ملح حبهان
انا جيباه جاهز من السوبر ماركت
نص زجاجة بيريل او مشروب شعير
كورن فيلكس مفروم خشن
تسالو طبعا ليه مشروب الشعير
ده بيتخلص من زفارة السمك وبيدي قرمشه تحفه
والشعير ممتاز بيخلصنا من الكوليسترول
نشوف
الطريقة
نضيف البيض والزبادي ونقلبهم كويس قوي
ثم نضيف الشعير
ونقلب كمان مرة
ونضيف بهارات السمك للبيض والزبادي
ونضيف خمس ملاعق كبيرة دقيق
حتي يصير قوام الخلطه سميك حبه
نتبل السمك كمان بحبة بهارات
ونتركهم نص ساعة يتشربوا البهارات
بعد كده بنغمس السمك المتبل في الخلطه الجميلة دي
ونخرجه من الخلطه ونغطيه بالكورن فليكس المطحون الخشن بعد ما نغمسه في حبة دقيق
بس كده بننهي كل الكمية وبنقليها في زيت سخن
ممكن نتركه في التلاجه لوقت ما نحب نقلي مثلا لو بعد ساعه
وممكن نقلي علي طول
وبعد ما قليته قدمته مع سلطه عادية
سلطة خضار
وسلطة طحينه
مقرمش وجناااااااااااااااااااااااااااان
حبيباتي لو عجبكم الموضوع
لو سمحتوا
لا تنسوا ذكر الله
ولا تنسوني من صالح الدعاء
والتقيييييييييييييييييم
بليزززززززززززز
الطحينة
بابسط طريقة
ندعك الطحينه بعصير ليمونه
حتي تتماسك وتصير عجينه
نفكها بحبة ميه
ونضيف لها حبة توم مفرومين
وكمون
وبهارات
وملح
وفلفل اسود
وبالهناااااااااااااا
يلا بقي شوفوا السمك وقرمشته
يا بنات
والله كلنا بنتعب في المواضيع
ليه بقي مش بنقيم بعض
ساعات بلاقي مواضيع كتير يدخلوها وما في ولا رد ولا تقييم
ياريت نشجع بعض
ربنا يكرمكواااااااااااااااا
يلا استودعكم الله
مواضيع هذا القسم برعاية
engy.waleed engy.waleed 638387_11.gif فتكات ست الكل Fatakat 638387 سوهاج – مصر