ازيكم يا فتوكات يا حلوات يارب تكونوا بصحة و فى خير و هنا يااااااااارب
ان شاء الله النهاردة حانعمل تورتاية حلوة اوى بس حادقة بالسوسيس
بتبقى حلوة اوى فى الحفلات و اعياد الميلاد او لو جايلك ضيوف فى ميعاد لاهو غدا و لا هو عشا حلو تقدميها ليهم مع الشاى او العصاير و
كمان حانعمل كب كيك بزينة حلوة تقدميهم مع الشاى بعد تورتة السوسيس
نبتدى نشوف الصورة النهائية للتشجيع
4 كوب دقيق
1/2 كوب زيت
3 كوب زبادى [ ممكن نزود كوب تانى حسب ما العجينة تاخد ] ممكن بدال الزبادى لبن رايب
1 1/2 معلقة كبيرة خميرة فورية / 1 معلقة كبيرة ملح / 2 1/2 معلقة كبيرة سكر / 1 معلقة صغيرة بيكنج بودر
3 معلقة كبيرةلبن بودر / 1 بيضة
سوسيس / جبن شيدر او جودة / كاتشب / مسطردة [ الحشو جنب السوسيس زى ما تحبى ]
انا نسيت اصور البيضة مع المقادير هههههههه[/center]
بنخلط كل المكونات مع بعض و نعجنهم بالزبادى و مش بنضيف ميه خالص و ممكن نزود كوب زبادى تانى لو العجينة احتاجت [ ممكن لبن رايب لو مافيش زبادى]
ولازم تكون العجينة ملزقة شوية بس لما نعجنها كويس حوالى 10 دقايق عجن حاتتلم و مش حاتبقى ملزقة
و نغطيها و نسيبها تتخمر
بعد ما تخمر نهبطها شوية بالايد و نبتدى نفردها لسمك رفيع و نقطعها شرايح بحجم السوسيسة
و نلفها على السوسيسة بعد ما نحط حتة جبة و كاتشب و مسطردة على اد ما العجينة تغطى السوسيس بس مش نكتر العجين لانه لسه حايخمر و كمان علشان تستوى من جوه و لازم نقفلها كويس علشان مش تفتح لما تخمر و تستوى
و نرصها فى صينية مدهونة زيت خفيف او مرشوشة دقيق
و يكون الرص بعيد عن بعضه شوية علشان لما تخمر
و نسيبها لحد ما تخمر و ندهنها بيض مضروب مع لبن و ملح و فلفل
انا رصيتهم فى صينية مدورة و مستطيلة شوفتوا ازى لما خمر لزق فى بعضه ؟
و ندخلهم فرن حامى لمدة 5 دقايق و بعدين نخلى الفرن وسط علشان تستوى كويس من جوه
و لما تخرج نشيلها من الصينية و نربط حواليها شريطة كانها تورتة حلوة
ده كب كيك و هنا انا بعد ما عملت العجينة بحط حبة صغيرة منها فى ورقة الكب كيك و بعدين احط حتة شيكولاتة او فواكه مجففة او مربي او بسكويتة اوريو و بعدين اكمل العجينة
https://fatakat.univanet.com/#4431271
و تدخل فرن وسط لحد ما تستوى
اما تخرج بعملها وردت بكريمة الزبدة [ الفروستنج ] و ازينها بوردات الفندان او السكر الملون [ اخدت طريقته من لورا بيسان ربنا يكرمها لانى كنت باشتريه جاهز غالى اووووى]
ايه رايكم بقى يا حبيباتى
يارب تكون التورتة عجبتكم و كمان الكب كيك و تجربوهم بجد حاتلاقوهم حلوين اووووووى زيكم
اسيبكم بقى فى رعاية الله
بااااااااااااى باااااااااى يا قمرات مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر