وحشتونى اوى
وشكرا ليكو الف شكر على زياراتكم وتهنئتكم الغالية لـ ليانا فى عيد ميلادها
زغروطة حلوة لعزومة عيد ميلاد ليانا اللى زينه مقابلة فتوكات نيويورك الجامدين
جالى اسئلة كتير على الباف بيسترى وطريقة عمل العجينة فى البيت
طبعا فيه ناس بتستهل زيى وتشتريها جاهزة من الفريزر فى السوبر ماركت
لكن النهاردة هوريكوا الطريقة بالصور والخطوات
وده تلبية لطلبات اغلى فتوكات مقدرش اتأخر عليهم ابدا
دورت على احسن طريقة عجبتنى وترجمتها لعيونكم
اتمنى شرحى يكون مبسط ويوصل لكم ان شاء الله بسهولة
نسمى بسم الله ونبدأ
اولا هى طريقة مش سهلة ومش بتاخد وقت كبير فى المجهود العضلى
الفكرة كلها فى الصبر على الوقت عقبال ما بتفرديها وتسيبيها تبرد وترجعى تفردى وترجعى تبردى وهكذا
طبعا هى للى يعرفها عجينة تشبه فكرة الكرواسون والدانيش بمعنى عجينة راقات بترتفع وبينها هوا ولذلك بتعتمد بشكل اساسى على الزبدة الصفرا لانها بتحتوى على نسبة سائل لما بيتبخر هو اللى بيرفع الراقات معاه
اولا المقادير
للعجينة :3 كوبايات دقيق
معلقة ونص طعام سكر
معلقة ونص شاى ملح
معلقتين شاى عصير ليمون
كوب ماية متلجة
وللزبدة : كوب ونص زبدة متلجة ( بمقدار 24 معقلة طعام او 3 صوابع)
هنا ليا ملاحظة اخدتها من فتوكة ربنا يكرمها اننا نستعمل كمية زبدة اكتر من دي
يعني لكل كوب دقيق كوب زبدة او اقل شوية
اقروا الملاحظة في اخر الموضوع)
معلقتين طعام دقيق
الطريقة
يعنى لو متوفر الفود بروسيسور او الكبة يبقى اسهل
ولو مش موجود يبقى بالايد عادى
نحط المكونات الجافة ونلف لفتين نخلطهم وننزل العصير مع تلت ارباع كوب المية المتلجة واحنا بنضرب لحد ما تلم العجينة وتبقى لينة
باقى الربع كوب ماء بتزوديه لو العجينة احاجت
احنا محتاجين عجينة تكون لينة ومتماسكة
تابعينى
مواضيع هذا القسم برعاية
rodi4882 rodi4882 23249_2.gif فتكات غالية قوي Fatakat 23249 New York – U.S.A