السلام عليكم ورحمة الله وبركاته
ازيكم حبايب هارتى
عملتلكوا بقا انهاردة طاجن المسقعه باللحمة المفرومة بس ايه حكاااااااايه
ريحته بتجيب لاخر الشارع
يلا نبتدى ع طول مش لازم كل مرة اصدعكو قبل ما تاكلوا اقصد قبل ما تتفرجوا
بسم الله
***
هنقلى الاول كيلو البتنجان و 2 فلفلات رومى و3 قرون فلفل حامى بس نشكشك الفلفل غشان ميفرقعش فى وشنا حصلتلى كتير
واللحمة المفرومة تكون مفرومة خشن هنعصجها (ربع كيلو)
نعمل بقا الصلصه هنجيب 4 فصوص توم مفرومين نشوحهم ع النار بزيت ذرة
اول ما لونهم يبقى دهبى ننزل بعصير الطماطم (4 طماطمات)
ونحط التوابل ملح وفلفل ورشة كمون وشطة
ونسيبها تتسبك بس بلاش تتسبك اوى عشان لسة هتدخل الفرن
نجيب البايركس نحط راق بتنجان
وبعدين راق لحمة
وبعدين راق بتنجان
تعبتوا ؟؟
معلش خلاص قربنا نخلص
وبعدين نحط شويه لحمة والفلفل الرومى
وبعدين نحط الصلصة وقرون الفلفل الحامى فوق الوش
وندخلها الفرن نسيت اصور الخطوة دى بقا
يلا يا بنات كل واحدة رغيفها فى ايد والايد التانيه فيها عودين جرجير
وتيجى ورايا
بس تدفعو الحساب الاول
واطلعو قيموا
*
*
*
بس كدا
اتمنى انها تعجبكوا
بحبكو فى الله
اوووووووووووووووووووووووى
فى امان الله مواضيع هذا القسم برعاية
ليالى مصرية ليالى مصرية 403997_5.gif فتكات غالية قوي Fatakat 403997 جدة – السعودية