السلام عليكم ورحمه الله وبركاته
ازيكم يااحلي اخوات انا كنت حابه اسأل عن حاجه تخص بنتي وبالله عليكم ما تكسفوني لاني نفسيتي تعبت جدا جدا
انا بنتي عمرها 6 سنوات وفي جريد 1 وماشاءالله شاطره وذكيه ونبيهه وجميله والصفات الحلوي ماشاء الله فيها
بس ممكن تكون ساعات عنديه بس في الهادي مش عند وحش يعني بنعرف نسيطر عليه انا وباباها
ولما بتعمل غلط بنفهمها انا وباباها ان ده غلط ونقعد نتكلم معاها ونعرفا الصح وكده يعني بنتعامل معاها ان هي كبيره وفاهمه
وهي حابه كده .
بس المشكله بقي اللي محيرانه جدا ونفسيتي تعبت بسببها هي علي طول كل ماتلعب مع اي حد من اصحابها علي طول تغضب وعرفت ان هي بتضربهم بس مش ضرب ضرب لاء يعني تخبط كده بأيدها او تلفظه لفظ من بتاعت الاطفال يعني
(غلسه – بارده )
فابلتالي اصحابها بيذهقو منها يروحو مخصمنها
تيجي تشتكيلي ماما فلانه مش بتحب تلعب معايا او فلانه مخصماني
طب ليه ؟
اسأل فأعرف السبب اللي انا قلتلكم عليه
طيب ليه هي بتتعامل بالاسلوب ده ؟؟؟؟
مع اني انا وباباها مش بنضربها ولا بنقسي عليها غير التربيه الطبيعيه
شويه زعيق مثلا شخط تهديد بالضرب
وهي بتخاف جدا من الضرب يعني لو عملت حاجه واجي اتكلم معاها عشان اعرف السبب تخاف وتكش مني واقولها تعالي تعيط وتخاف كأني حموتها وان افهمها اني مش حضربك برده بتبقي خايفه وهي بتخاف موت من الضرب جدا
وطبعا ده نفس الاسلوب اللي بتتبعه مع باباها
وللعلم هي ليها اخت صغيره بتحبها ماشاءالله وبتحن عليها وعمرها ما فكرت تقسي عليها وتزعل عشانها لو عيطت من شيء وممكن تعيط زيها .
بس مشكلتها مع اصحابها اعمل ايه عشان تبطل تتعامل بالاسلوب ده والله كلمتها كتتتتتتتتتتتتتتتتيييييييييييييييييير بس للأسف مفيش فايده
ارجوكم فيدوني الله يكرمكم يارب
وبالله عليكم ادعولي ربنا يهديهالي هي واختها
ام ملك و ماسه ام ملك و ماسه 112356_6.gif فتكات هايلة Fatakat 112356 انتقلت ولله الحمد للرياض – السعوديه