طبعا كلنا بيتبقى عندنا اكل وخصوصا فى العزومات وفى رمضان واحيانا الولاد والزوج مش بيرضوا ياكلوه تانى يوم او بياكلوه على زعلانين فبصراحة انا قولت نعمل ملف كل واحدة بات عندها اكله وعملت فيها افتكاسة وخليتها اكلة جديدة تكتبها هنا وانا هبدا بكام طريقة اول حاجة الرز دا طبعا اكتر حاجة بتتبقى فيه طريقتين اذا الرز المتبقى كتير والطريقة التانية لو قليل
نبدأ بالاولى
عندنا رز مستوى هنحطه على نار هادية ونجيب كنكة فيها نص كوب ماء ونحط فيها (بهارات مشكلة) فلفل وكمون وزعتر و روز مارى وقرفة وكركم وكارى وملعقة صلصة ولما الماء يغلى نكبه على الرز ونقلبه كويس ونسيبه دقايق على النار الهادية ونطفيه ونجيب مقلاية نقطع بصل وفلفل اخضر ونشوحهم ونضيف اى بقوليات عندك انا بحط بسلة وفاصوليا وفول اخضر وحمص مسلوق وجزر مقطع ونشوحهم ونحط ملعقتين صلصة وشوية ماء يستوى فيه عشان مش عايزين صلصةكتير ونعمل بشاميل ونجيب صينية نحط طبقة رز وطبقة الخضار وطبقة رز والبشاميل ونحمره فى الفرن وكدة عملنا صينية رز جديدة خالص ممكن تاكلوها بفراخ بانيه اولحمه بانيه او بيكاته اوكباب حلة او كفتة
الطريقة التانية اذا رز قليل
حطر عليه شويى ماء وحطيه على النار عشان يبقى سايح وبعدين هاتى خضرة مفومة وبصلة صغيرة مفرومة وتوم مفروم وبهارات وبيضة وافرميهم فى الكبة ومعاهم الرز ولو عندك حتت فراخ او لحمة متبقية حطيها وصبعى واقلى وبالهنا كفتة جميلة
استنونى هاقولكم طرق تانية مواضيع هذا القسم برعاية
malak ru7y malak ru7y 665957_1.gif فتكات نشيطة Fatakat 665957 españa – españa