السلام عليكم
ازيكم يا قمرات يا فتوكات
كنت من كم يوم كده سألتكم عن محل عروستى اللى فاتح جديد لتأجير الفساتين ( أفراح و سوارية )
و ملقتش حد راحه خالص قلت أروح أنا بقى و أقولكم فيه ايه
بصراحة اتفاجأت المحل فساتينه وهميه و تحفة هو اه مش عندة تشكيلة كبيرة بس اللى عنده كلهم أحلى من بعض ده بالنسبة لفساتين الأفراح مركزتش فى الباقى بصراحة بس انبهرت كل الفساتين جديدة و نضيفة و أول لبسة و كلها ستيلات جديدة بجد
الأسعار بقى مفجأة تخيلو أول لبسة ب 700 جنية بس و لسه كمان مافصلناش والله بعد لف الأتيليهات كلها الفساتين ممسوح بيها الأرض و يقولك 800 و 900 و لو قالك أول لبسة يقولك 1200 بصراحة قررنا نحجز من محل عروستى ده بجد كفاية المعاملة الكويسة اللى عندهم ربنا يباركلهم
أنا قلت أفيدكم لما روحت و شفت بنفسى و كمان بيقولوا انهم املين خصم علشان لسه فاتحين
و عندهم كمان طرح واكسسوارات سوارية اشتريت طرحة من هناك ب 18 جنية بس و كنت شايفاها فى محل فى شكرى ب 28 بصراحة شكلهم ماشيين بما يرضى الله يارب يفضلوا كده على طول و مايغلوش أسعارهم بعد شوية زى بقية المحلات
حظ سعيد لكل عروسة
برقوقة المجنونة برقوقة المجنونة images/avatars/orangeflower.gif فتكات رائعة Fatakat 282543 المحلة الكبرى – مصر