السلام عليكم ورحمة الله وبركاته
كل سنه وانتو طيبيين
ورمضان كريييم
بقالى كتيير اوى مكتبتش فى القسم ده
وربنا يعلم انه احب الاقسام على قلبى ولقيت فيه ناس ساعدتنى كتيير اوى قبل حملى واثناء حملى
ونفسى ارد لكم الجميل
وعشان كده
جيت بالموضوع اللى بيشغل بال كتير اوى من الستات والبنوتات كمان
الا وهو
الالتهابات المهبليه
انا كاى عروسه جديده عانيت من الالتهابات فى بداية جوازى
ولله الحمد بعد ماجربت ادويه وعلاجات كتييرة ربنا كرمنى بدكتورة ممتازة وكتبتلى
لبوس مهبلى
ومضاد حيوى
غسول
والعلاج لمدة 3 ايام
والحمدلله رب العالمين شفيت تماما
اللبوس اسمها(جينوزول) عبارة عن 3 لبوس كل يوم واحده قبل النوم
المضاد الحيوى اسمه(فنجيكان) كبسولتين كل اسبوع واحده يعنى لو اخدتيها النهرده الخميس تاخدى انى كبسوله الخميس الجاى
الغسول اسمه (مالفا) بريحة الورد هتغسلى بيه المنطقه الحساسه من الخرج بالماء الدافئ
بس خلى بالك فى لبوس مهبلى اسمها قريب اللى هى (جينوكازول)
دى مش هى اللى اقصده انا معرفش الصراحه هى بتاعة ايه
تقريبا للالتهابات بردو
بس مش دى اللى اقصدها انا حبيت انبهكم عشان لما روحت اجيبها من الصيدليه جابولى دى الاول وبعدين لما شوفتها عرفت انها مش هى بس قريبه فى الاسم
وبعد ماربنا كرمنى وولدت
جاتلى التهابات بردو
وكررت العلاج والحمدلله ربنا شفانى
بس عوزة ابه على حاجه مهمه اوى
الالتهابات انواع
انا كانت عندى التهابات فطريه
وده علاجها
بس لما قريت فى موضوع الالتهابات لقيت انه مش كل نوع له نفس العلاج
يعنى انا كتبت تجربتى للى بيمروا بنفس حالتى
عشان الكل يستفيد
وربنا يشفى كل مريض باذن الله
ويريت لو استفدتى اى حاجه من موضوعى ادعيلى بظهر الغيب
ربنا يباركلى فى ابنى حبيبى ويجعله من حفظة القران الكريم
ويرزقنى بره وتقواه
احبكم فى الله
MISS ALDO MISS ALDO images/avatars/peppers.jpg سوبر فتكات Fatakat 333840 قلب جوزى – عش الزوجية