ازيكم ياقمرات دى معجناتى اللى كسبت بيها مع مراقبتنا الجميلة شروق
بشكرها جدا على تعبها فى اعداد المسابقة وشرف لى انى اكون من ضمن المتسابقات العمالقة ومبروك ليهم جميعا وشكرا جزيلا لكل من اعطانى صوته
طبعا كلنا عارفين ان الاحتفال بشم النسيم حرام واحنا مابنشجعش على الاحتفال بيه
لاكن مايمنعش انك تعملى لاولادك افكار حلوة فى المعجنات وفى تقديم البيض
عشان تفتحى نفسهم وكلنا بنتمنى ان اولادنا يكلوا اكلاتنا ومايشتروش اكلات الشارع
لانك ضامنة انتى عاملة حاجتك كلها بنضافة وشايفة ادواتك اللى استعملتيها
ندخل فى الموضوع بقى
{1}4 ونصف كوب دقيق
{2}كوب لبن كبير
{3}نصف كوب زيت درة ومعلقتين سمن بلدى
{4}قطعة خميرة بيرة او كيس خميرة فورية
{5} 3معالق سكر وربع معلقة صغيرة ملح
{6}كوب ماء دافى للعجن والخميرة
{7}سمسم وبيضة لتلميع الوجه
اولا نفعل الخميرة ندوبها بالسكر ونصف كوباية الماية الدافية ونغطى عليها لحد ماتخمر
وننخل الدقيق نجهز ادواتنا لحد ماالخميرة تتفاعل نبدأ نعجن
نحط ربع معلقة الملح على الدقيق ونقلبه فى بعضه وبعدين ننزل عليه السوائل الزيت والخميرة ومعلقتين السمن البلدى او الزبدة زى ماتحبى وتقلبيهم مع الدقيق وتضيفى كوب البن
وتعجنى كويس هتلاقيها بقت عجينة زى الفل قى ايدك ولو احتاجت نصف كوباية الماية ضفيها مااحتاجتش خلاص لان الدقيق بيختلف وبقت عجينة ملساء ورائعة اغطيها لحد ماتخمر
ماشاء الله شايفين العجينة رائعة ازاى ومش بتلزق اهم خاحة العجن الجيد عشان النتيجة تطلع كويسة
وكدة بعد ماخمرت واضاعف حجمها ماشاء الله وبقت صالحة للتشكيل
انا عملت اكتر من شكل يارب يعجبكم ويفيدكم
اولا الفراشة عملت دايرة وفردتها وقطعتها من النصف وبعدين خليت النصين يخاصموا بعض يعنى ضهرهم لبعض
كدة عملنا اجنحة الفراشة نبرم حتة عجينة نعمل جسمها وعيونها وشواربها هههههههههههههه
تانى شكل الوردة عملتها بطريقتين الاولى نفرد العجين كدة ونقطعه دواير حجم واحد بكوباية
ونحط الدواير حرف كل واحدة على التانية ونلفهم لحد مايطلع شكل الوردة
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر