اخواتى الفتوكات الجميلات النهاردة ان شاء الله على الغداء عندنا اكلة شعبية جميلة ولطيفة ورقيقة وكلها رومانسية
مشهورة فى بلدنا من زمااااااااااااااااااااااااان
كتير مش بيحبوها وكتير بيحبوها وان شاء الله انا حخليكم تحبوها
اكلتنا هى
♥البصـــــــــــــارة♥
اة البصارة شيفاكى يالى بتعترضى وبتعملى كدة اصبرى الاول
لما تشوفيها وتحكمى بعد ما تجربيها وتدوقيها
يلا كفاية رغى نسمى الله ونبدأ….
المقــــــــــــادير
كوب فول مقشر*بصلة *فصين توم*كسبرة خضراء وبقدونس
(المقادير دى الى حنبدأ بيها وحتتحط فى الاول على النار)
حناخد الحاجات دى ماعدا الخضرة نحطهم على النار انا مش عاوزة احط الخضرة من الاول عشان فايدتها متروحش من كتر غلى الفول لغاية ما يستوى
بعد ما الفول غلى شوية وقرب على السواء الكامل حنحط الكسبرة والبقدونس
نسيب الفول شوية على النار ونروح نحضر مخلل حلو اوى بيتاكل جنب البصارة
حنجيب شوية بذنجان حلوين كدة ونسلقهم بس منهريهومش
ونحضر التتبيلة دى وهى توم وفلفل وكسبرة ناشفة وكمون وملح وزيت زتون وكلة فى الكبة وبعمل منة كمية واشيلها للاحتياج
ونحشى البذنجان بالشكل دة
ونخلص الكمية بتاعتنا ونحطها فى علبة ونعصر عليها لمونتين حلوين ونشلهم فى التلاجة
نرجع للبصارة الى على النار اوعو تنسوها
رجعنلها لقيناها استوت والحمد لله نظبط الملح ونخدها على الخلاط
نضربها فى الخلاط ونخدها نرجعها على الحلة تانى على النار ونزود لها شوية كمون
التكة بقى الى هنا وحماتى جزاها الله خيرا لما علمتنى
اننا نعمل لها دقة شبة بتاعة الملوخية (توم وكسبرةناشفة وقرن فلفل حامى)
ندقهم ونحمرهم فى شوية سمنة
وبعد ما يتحمرو تششششششششششش
على البصارة الى على النار(الريحة يمىىىىىىىى)
وخلااااااص
حنحمر شوية بصل للتجميل
دة طبق البصارة كان نفسى اعملة وجة سعيد بالبصل المحمر بس دة الى حصلة
محدش يألس عليا هاااا
وادى طبق المخلل وكلة عمايل اديا (لمون معصفر والبذنجان وخيار وجزر وقرنبيط)
وادى صورة عائلية
هههههههههههه طبعا المنظر مرعب
بس والله الطعم راااااااااائع
اتمنى انكم تجربوها وان شاء الله تعجبكم
فى رعاية الله يا فتوكاتى