السلام عليكم ورحمة الله وبركاته
أخواتي الفتوكات أحبكن في الله
انا اول مرة أعمل موضوع في حياتي وده بسبب فشلي الذريع في المحشي
عملت محشي بذنجان النهاردة طلع وحش جدا مع أني بحثت كويس جدا في المدونة عند الفتوكات وللعلم ده تاني مرة اعمله …
انا لما بعمل محشي عادي بعمل الخلطة بتاعته ، النهاردة جبت علبة الخلطة بتاعة ماي واي بجد يا جماعة وحشة جداااااااااا طعمها صناعي ، ده غير ان فيها حاجات زي الرمل كدا بتبان في الأكل ، وخلت لون الرز أخضر طلعت وحشة جدا جدا
وبعدين ولا محشيياية كانت تتمسك في الأيد كله يتاكل بالمعلقة كدا ، وكان نيء وحالتي حالة
بصراحة كسفتكم يا فتوكات
وللعلم انا شوحت البذنجان بنقطة زيت كدا قبل الحشو وحشيت ثلثي الثمرة فقط ياريت تقولولي العيب فين ومعيار الماية أعرفه ازاي ؟ والبذنجان يقعد ازاي في الحلة نايم ولا واقف ، ومعلش لو واقف هو مش كتير فبالتالي بيقع مش بيقف
ارجوا مساعدتي يا فتوكاتي يا حبايبي وجزاكم الله كل خير يارب
استودعكم الله الذي لا تضيع ودائعه
السلام عليكم ورحمة الله وبركاته
مواضيع هذا القسم برعاية
om salma 1210 om salma 1210 فتكات متميزة Fatakat 682356 اسكندرية – مصر