سلام عليكم ورحمة الله وبركاته
أولا دعواتكم يا بنات ماما وأختى يوصلولى بالسلامة بكرة ان شاء الله ، وربنا يتمم حملى على خير وأولد بالسلامة من غير مشاكل وربنا يرزقنى بطفل سليم معافى
ندخل فى الموضوع بقى
دلوقتى أنا فى غربة وخلاص هولد على روحى وماما وأختى جايين يقفو جنبى ، هما هيوصلو بكرة بالليل ان شاء الله
الملاحظة المهمة قوووووووووى ، انى بقف على رجلى بالعافية ، ضهرى مكسور تماما ومتكسحة وخلاص هولد يوم السبت ان شاء الله دة لو قدرت أمسك نفسى أصلا
يعنى عاوزة أكل كدة يتعمل لوحده .. يتعمل من غير مجهود … حاجة كدة فى السرييييييييييع وتبقى كويسة كدة وتنفع كترحيب ، وطبعا ماما عارفة ظروفى وبتقول لى لو أكلتينى لقمة بملح مش فارقة المهم أطمن عليكى بس برضو أنا عاوزة أعمل حاجة كويسة
أنا هقول لكم عندى ايه فى التلاجة وانتو تدبرونى بحاجة سريعه
انا عندى سمك بورى ينفع مشوى او صينية وشوية جمبرى صغير ينفع كفتة
وعندى شوية حاجات جاهزة زى برجر وبروستد ، و سجق بلدى
وفيه فراخ جامدة و صدور فراخ
دة اللى فى التلاجة ،،
طلعولى منه أكلة كويسة مع شوية مكرونة وسلطة ، ولا رز وسلطة ، ولا أى حاجة فى البتنجان المهم تفهمو انى فعلاااااااااااااا مش قادرة اقف عشر دقايق على بعض وهروح المستشفى مرتين ، مرة الصبح ومرة بالليل علشان حقنة الرئة ، وهروح المطار بالليل ، يعنى يومى مضروب بالتلاتة …
مواضيع هذا القسم برعاية
ثومه حمدى ثومه حمدى 276742_1.gif فتكات ست الكل Fatakat 276742 حائل – السعودية – مصر