السلام عليكم
يا بنات الله يكرمكم لو فى دكتورة نسا او اى واحدة فيكم مرت بتجربة سكر الحمل تفيدنى فى مشكلتى طبعا من غير رغى كتير حللت فى الشهر الرابع من الحمل و عرفت ان انا عندى سكر حمل و بناءا عليه الدكتور اللى بتابع معاه كتبلى انسولين بجرعات بسيطة قبل الفطار و قبل العشا
دلوقتى انا فى الشهر التامن و الدكتور طلب منى تحليل منحنى سكر علشان يتأكد أنا عندى سكر ولا لأ لان كل فترة بيطلب منى تحاليل و اخر تحليل عملته صايم و فاطر نسيت اخد الانسولين و مع ذلك النتيجة طلعت معقولة فى الطبيعى يعنى و كمان تحليل الهيموجلوبين السكرى او تحليل السكر التراكمى يعنى زى ما بيسموه احيانا فطبعا عايز يقطع الشك باليقين و يعرف انا عندى سكر حمل و هاستمر على الانسولين ولا ابطله لانى خلاص فاضلى حوالى شهر او اقل و ادخل على ولادة و انا باولد قيصرى بالاضافة طبعا لموضوع سكر الحمل ده فالدكتور قالى هتولدى بدرى عن معادك علشان ميحصلش اى حاجة لا قدر الله و طبعا ساعاتها هاضطر اخد حقنة اكتمال الرئة و هى طبيعى بتعلى السكر و انا بصراحة خايفة اوووووى من الموضوع ده
المهم بقى اللى عملت منحنى سكر قبل كده و ليها تجربة تقولى هل التحليل ده متعب و المحلول اللى بيشربوه ده نظامه ايه لانى سمعت ان فى ناس بتدوخ و بيغمى عليهم منه او بيفضلوا يرجعووووووا صحيح الكلام ده يا بنات ؟؟؟
سؤال تانى بقى هل تحليل الهيموجلوبين السكرى اللى هو التراكمى ده يغنى عن منحنى السكر ؟؟؟؟
بالله عليكم يا بنات اوعوا تطنشوا ردوا و لو بدعوة حلوة ان ربنا يقومنى بالسلامة انا و البيبى و يعدى الحمل ده على خير ياااااااااااااااارب
شكاتورة شكاتورة images/avatars/pacifier.jpg فتكات ست الكل Fatakat 188641 القاهرة الكبرى و ضواحيها – مصـــــــــــر ام الدنيا
سبحان الله و بحمده