السلام عليكم
ازيكم يافتوكات
طبعا كل واحده مننا بتعاني من امساك الحمل الرهيب واثاره المترتبه مابعد الولاده
وبتبقى خايفه على جنينها من الصفرا مش كده؟؟
طب ايه رئيك بقى بعلاج من الطبيعه رخيص جدا
ممكن تشتريه كل يوم بجنيه واحد فقط يعني في الشهر 30 جنيه
ومفيد جدا جدا جدا
عارفين ايه هو؟؟
مش هتصدقوا
عصير القصب
اه عصير القصب
اشربي كل يوم كوب عصير قصب
وهاتلاقيه مدر للبول وبيمنع الامساك وده عن تجربه شخصيه ليا
وكمان صحباتي نصحوني اني لما ابقى ان شاء الله ف التامن اشرب كل يوم منه لانه مغذي جدا للجنين وبيمنع عنه الصفرا
وعن تجارب شخصيه ليهم
وانا فعلا بدات من دلوقتي مع اني لسه ف الاول
لكن فعلا بحس ان الجنين بيستفيد بيه جدا وخفيف جدا جدا
رغم اني قبل الحمل كنت مستحيييل احطه ف بقي
سبحان الله دلوقتي بقيت بلف الشوارع اللي جنبنا ادور على محل اجيب منه ك يس عصير بجنيه
واول مابشربه بحس بحاجه غريبه جدا جدا في جسمي
بحس انه بيرويني او بيدخل بين ضلوعي
مااعرفش بحس بيه بغرابه جدا
سبحان الله
وفعلا بحس ان جنيني بيستفيد بيه وسهل جدا ف الهضم
عن التمر هندي
انا جربت التمر هندي ومعدتي مااستحملتهوش وحسيت انه تقيل عليها ورجعته
طبعا القصب ملين ومدر للبول
ومهم لحالات الانيميا والضعف والهزال
ومهم للكبد كمان
بس على شرط تشربيه طازه
علشان بيسود
وماتشربيش في كوبايات اشربيه في كياس بشاليموه
افضل
ادعولي ربنا يقومني بالسلامه ويباركلي في جنيني ويخليلي ابوه
ادعولي يافتوكات
وربنا يقومنا كلنا بالسلامه يارب
بريهان أميره من سالف الازمان بريهان أميره من سالف الازمان 280452_8.gif فتكات ست الكل Fatakat 280452 في قلعة بقلب حبيبي – مصر