السلام عليكم ورحمة الله وبركاته
معلش مضطرين تسمعونى شويه لانى حكايتى طويله شويه……..بصوا يا فتوكات انا حكايتى طويله مع الرجيم …عملت ريجيمات كتير جدا واخدت ادويه وكدا يعنى ووصل وزنى ل 65 كيلو والحمدلله على كدا مفيش شهرين ولقيت نفسى بزيد فى الوزن لغاية ما وصلت ل 75 كيلو طبعا مسكتش وعملت رجيم تانى ووصلت ل73 وبعدين ثبت على كدا واخد ادويه واعمل رجيم ورياضه وحرمان من الاكل وبرده مش نافع ولا فى اى فايده
وفجأه عرفت مركز الزهور وعرفت الدكتوره رحاب وبجد دكتوره ممتازه وزى الفل كفايه بس انها بتسمع الواحد وتسأل عن كل حاجه بجد ارتحتلها
المهم بعد فحصها ليا كتبتلى نظام غذائى ومشيت عليه زى الالف وهو كالاتى :_
اول يوم :- تفاح
تانى يوم :-خضار
تالت يوم :-مشويات صنف واحد (لحمه او فراخ او سمك)
رابع يوم:-خيار وخس
خامس يوم :-بيض او فول مدمس
سادس يوم:-برتقال وجوافه واى انواع فاكهه بس موالح
سابع يوم:-خيار وخس
حقيقى هو نظام كيميائى بس لاسبوع واحد فقط علشان تكسر الوزن الثابت مش اكتر يعنى مش هنستمر عليه كتير
متقلقوش ودا عن تجربه انا خسيت عليه 3 كيلو 400 جرام
لازم تشربى كوبايه ماء عليها نصف ليمونه ومعلقه خل تفاح
ولازم تشربى ميه كتير فى اليوم
والدكتوره كمان عطتنى نظام تانى هجربه الاسبوع دا واكتبلكوا النتيجه
ادعولى ربنا يصبرنى على الرجيم واستمر لغاية ما اوصل للوزن المطلوب
miar2017 miar2017 فتكات حبوبة Fatakat 4227 اسييييييييييييييييييييييوط – ام الدنيا مصر