السلام عليكم ازيك يا فتاكيت السكر عاملين ايه
ياارب تكونو بخير
انا عارفه كتير مننا بيحتار فى المقاس الخاص للبراه وبنتعي جدا فى الشرا وبتكون حاجه تكسف لو المحل بيدخلو رجاله
وياسلام بقى لما البنت البياعه تقلك عاوزه مقاس كام تقوليلها معرفش شوفيلى مقاسى انا وتبصلك كده وتحسب والحركات القرعه دى
المهم بقى هقلولكو كمان على مشاكل بتقابلنا فى البرا اللى بتكون موش مظبوطه ومن خلالها نعرف انها فعلا موش مناسبه لما نيجى نلبسها ومش هتريحك ابدا
اولا ::: ارتفاع خط حمالة الصدر الخلفي لأعلى ده لاننا اوقات نشترى برا بالتقريب كده او بقياس احنا فاكرينه صح وهو غلط هعرفكو ازاى بس لما تلبسوه بتلاقى مثلا ان الحماله اللى هى فيها كوبشه طالعه لفوق عضمه الذراع من ورا
ثانيا :::بروز الصدر من الأمام أو الجوانب وده لان احنا ممكن نلاقى حمالات البرا مظبوطه علينا والخط الخلفى ليها مطبوط بس الكاب اللى هو بيتحط فيه الصدر نفسه بيكون ضيق او واسعه اووى فبيحصل مشكله ان الصدر يكون بارز من الجناب او من فوق وفى فرق وقتها انه يكون بوش اب بالتالى بيكون الصدر بارز منه طبيعى او انه بيكون ضيق فببيكون شكله موش لطيف ابدا حتى تحت الهدوم
ثالثا::::: سقوط حمالة الصدر من على الأكتاف
رابعا ::::إحمرار الجلد عند خلع حمالة الصدر
طيب احنا كده اتعرفنا على المشاكل ويسلام بقى لو نلاقى ان الشكال كلها كتجمعه فى برا واحده بنكون مخنوقين وعلى اخرنا
طيب لو احنا حددنا المقاس مظبوط يبقى وقتها موش نلاقى اى مشكله
الفكره ان فى ناس بتقول انا مقاسى 48 او 42 ماشاء الله يعنى
وتسكت !!! وتروح تقول للبياعه كده وتجبلها بس لما تروح تلاقى الحمالات اللى فوق واللى بالعرض مظبوطين بس تلاقى ان الكاب نفسه موش مرتاح اما يكون واسع اووى ويبان فى الهدوم او بيكون ضيق جدا والصدر بيكون بازرو وبردو هيبان فى الهدوم
وغير طبعا اخنقه اللى بنكون فيها وكمان حر ياسلا م
طيب من غير رغى كتير المقاسات دى ثابته ومعروفه جدا وبتكون فى اى برا سواء غاالى او رخييص
طيب المقاس بيكون عباره عن رقمين وجمبهم حرف ابجدى ازاى يعنى
يعنى تقولى انا مقاسى 38A
او 32C
او 42D
وهكذا
طيب ازى نحسبه هقلك على طريقه سهله جدااااااااااااااااااا
الرقم هو مقاس محيط صدرك، والحرف هو مقاس تكور الصدر المعروف بالـ .Cup
طيب ازى برده هوضحلكو بالصوره اهو
رقم واحد ::: هتقومى بقياس مقاس محيط الصدر (رقم 1 في الصورة) بمتر القياس او المازوره من جهة الإنش وليس السنتيمتر، هيظهر لك رقم فردي مثلا 31، هتضيفي رقم 5، وبكده يكون مقاسك 36، ولو ظهر لك رقم زوجي هتضيفي رقم 4، فلو ظهر لك 34 تضيفي 4 ويبقى مقاسك 38.
تمام الخطوه دى يعنى خلو بالك دايما الرقم اللى هيطلع هيكون زوجى موش فردى يعنى مفيش حاجه اسمها 37 او 41 غلط
تانى خطوه :::هى قياس تكور الصدر الـ Cup عند أكبر نقطة بارزة عند الصدر(النيبلز يعنى ) زى ما هو باين فى رقم 2
دلوقتى بقى معانا رقم المحيط ناتج الخطوه رقم 1 ومعانا مقاس الكاب ناتج الخطوه رقم 2 تمام
هنطرحهم من بعض هيطلع رقم تالت هنعمل ايه بيه بقى هو ده اللى هيحدد الابجديه يعنى a B C D اى واحد فيهم
ده مثال بالارقام
لو مقاس التكور (خطوة 2) بحجم 39 ومقاس المحيط (خطوة 1) 36 نقوم بعمل طرح 39-36 = 3 الناتج هنا 3، فيكون حجم الصدر هو C
يبقى كده هنحول الخطوه 2 ناتج الطرح يعنى حسب الدليل ده :
1=A
2=B
3=C
4=D
5=E
6=F
7=G
تمام فهمنا اهو
يبقى كده مقاس البار بتاعنا هيكون ازاى
هيكون الرقم اللى طالع من الخدوه رقم 1 ونزلق جمبه دليل الطرح بتاع الخطوتين تمام
يارب تكون الفكره وصلت والمقاس طبعا ثابت
وكمان لما تيجو تقيسو لنفسكو ياارب تكون لابسين بادى معقول يكون قطن مثلا عشان المقاس يكون مظبوط
يااريت بقى متنسوش تقيمو لو فعلا شوفتو ان الموضوع مفيد
loly 2024 loly 2024 757711_1.gif سوبر فتكات Fatakat 757711 الجيزه – مصر