السلام عليكم ورحمة الله وبركاته
ازيكم يا فتوكات عاملين ايه
انا بقالي ييجي شهر عايزة اكتب الموضوع ده وبكسل
المهم
من شهر كده عمي جاتله جلطة قلبية
هو عشان صيدلي لما جاتله عرف انها جلطة وراح المستشفى والحمد لله لحق نفسه
ولما دخلت ع النت لقيت ناس كتير بتموت بسبب الجلطة القلبية لانهم لما بيحسوا باعراضها بيطنشوا ع اساس انه وجع وهيروح يعني
فعشان كده لازم كلنا نعرف ايه هي اعراض الجلطة القلبية عشان لو لاقدر الله حصلتلنا او حصلت لحد من قرايبنا نعرف نلحقهم
وهي دي الاعراض
وجع في الصدر بيستمر شوية صغيرين -بضع دقائق-
وجع في كتف من الكتفين او في الفك السفلي اوالظهر بالذات الجزء الشمال -في اغلب الحالات بيكون في وجع في الايد الشمال –
وجع الصدر بيرجع وبيزيد مع الوقت
ضيق التنفس لو الواحد بذل الجهد -بس بشرط ان ده ميكنش العادي-
عرق كتير خصوصا في الوش او الصدر
تحسي بانك عايزة ترجعي او ترجعي.
دوخة وممكن كمان اغماء
طبعا يا شطورة مش لازم الاعراض دي كلها تحصل عشان نقول ان دي جلطة يعني اتنين منها كفايه
يعني عمي عرق جامد وصدره وجعه وبس
فنفس الوقت برضه مش لو الواحد لقى نفسه دايخ و رجع نقول عليها جلطة
في امان الله وربنا يحفظنا كلنا من كل سوء ان شاء الله
حاولي تنشري الكلام ده قد ما تقدري
انا هروح احطه ع الفيس دلوقتي
وكل واحده فيكو بقى وشطارتها
ومتنسوش اننا فرمضان وان الثواب بيكون كبير
يعني م الاخر بلاش كسل
level up level up فتكات نشيطة Fatakat 694283 giza – egypt