السلام عليكم ورحمه الله وبركاته الى اخواتى الفتوكات التختوخات احب ابشركم اننا حنرجع تانى رشيقات وغزلات زى ما كنا زمان واه من زمان انا من 6 سنين بس كان وزنى 52كيلو والله العظيم وبعد الجواز والحمل زاد وزنى 30 كيلو وانا كنت فرحانه اوى انى بتخن المهم مطولش عليكوا انا بجد عايزة اخس ومشكلتى انى بتحمس شوية فالاول وبعد كده بكسل ففكرت اننا لما نبقى جروب مع بعض حنشجع بعض وانا دورت كتير عن الرجيمات واخدت ادوية تخسيس وسالت دكترة كتير المهم لقيت النتيجه ونزلت فعلا 12 كيلو بس رجعتهم تانى والحمدلله ههههههههههههههههه اولا الريجيم اللى حنعملوه مع بعض محتاج ادوات لالا متقلقوش دى حاجات بسيطه ويمكن تكون موجودة فى البيت1-شريط رقص بلدى 2-علبيتين زبادى خالى الدسم ودلوقتى حنبدا مع بعض بصوا بقى ياحلوين اللى انشاء الله يعجبها الموضوع تسجل وزنها وطولها وكل اسبوع نشوف النتيجه الاول لازم نشرب ميه كتير وديه فيدتها بتحرق دهون البطن ومتخليش وشك يخس وتديله نضاره يعنى تخلى ازازه ميه 2لتر جنبك وديه بتاعت اليوم ولو اكتر يكون احسن بعد كده مواعيد الاكل تكون منتظمه على اد متقدرى يعنى كل يوم تفطرى فنفس الوقت نيجى للفطار افطرى اى حاجه انتى عايزها بس حنقلل الكميه شويه يعنى 2 توست واحشيهم اى جبنه او فول اوبيض ومش شرط تبقى حاجات دايت عادى بس ياريت فطارك يكون بدرى بعد كدة بساعتين اتلاته تاكلى علبه الزبادى خالى الدسم الغدا يكون الغدا العادى وممكن تاكلى كمان شويه شيبسى او حته شيكولاته وياريت برده نقلل شويه نيجى بقى للمهم انا عماله اقولكم افطرى برحتك واتغدى برحتك عشان اما نيجى للمهم العشا مفيش عشا بس ناكل علبه الزبادى التانيه وده يكون الساعه 8 او 9 باليل بالكتير وصدقونى والله منتجات الالبان خالى الدسم بتشبع وفى درسات على الزبادى الخالى الدسم انها بتحرق دهون البطن والارداف اللى كلنا عارفنها واخر حاجه بقى وانا عارفه انى طولت عليكم اشاى والقهوه ليكى 3 ملاعق سكر فى اليوم اه كنت حنسى اقولكم جبنا شريط الرقص ليه عشان هى ديه الرياضه الى حنعملها مبتعرفوش ترقصوا طب وانا يعنى اللى بعرف اهو منه تدريب يفدنا ومنه رياضه كل يوم ياحلوين ربع ساعه رقص بلدى وعلى اخر الريجيم حنبقى كلنا ولا نجوى فؤاد وده طبعا عشان معظمنا بنكسل وبنزهق من الرياضه اظن الرقص بقى ما بيزهقش انا وزنى الحالى 82 كيلو وطولى 168سم ونفسى ابقى 70 ويارب متكونوش زهقتوا منى ومستنيه رددكوا وجبر الخواطر على الله ههههههههههههههههه
omlolaboody omlolaboody 467670_1.gif فتكات متميزة Fatakat 467670 الكويت – الكويت
سبحان الله و بحمده