السلام عليكم و رحمة الله و بركاته
يا بنات انا دورتى منتظمة جدا و لله الحمد كل 27 يوم و انا فاطمة بنتى من 3 شهور و الشهر اللى فات بس وقت البيريود اخدت الديستنكس بتاع تنشيف اللبن لانه مكنش نشف لوحده و الدورة خلصت و الحمد لله
عايزة اقولكم من ساعة ما اخدته و انا بحس ان صدرى مزند كده شوية بسيطة مش بيوجع يعنى لا بس بحس بنغزة بسييييييطة جدا كانه مليان قلت يا بت اعملى عبيطة يمكن من تنشيف اللبن
المهم بقى ان دورتى كان معادها يوم 26/11 عملت يومها تحليل منزلى طلع سلبى و النهاردة 28/11 اهو عملت تحليل دم طلع برضه سالب !!!!
و الاستاذة الدورة مش راضية تيجى و مش عوايدها تتأخر كده ده ما شاء الله كانت بالساعة و الله مش عارفة بقى هو ممكن الدوا ده يكون بيأخر البيريود ؟؟؟ و دلوقتى انا اعمل ايه اخد حاجة تنزل الدورة و لا استنى و لا اعمل ايه انا مش هعرف اروح للدكتور قبل اخر الاسبوع الجى ان شاء الله
فيدونى يابنات مين اخدت الدوا ده و عمل معاها كده و ادعولى ربنا يرزقنى بالولد الصالح و اخاوى بنتى الشهر ده يا رب لانى كنت متعشمة اوى بس الحمد لله على كل شىء
ياريت تردو عليا لانى حيرانة و متدايقة جدا و ادعولى بظهر الغيب ربنا يجازيكو عنى خير
توتة كتكوتة توتة كتكوتة فتكات رائعة Fatakat 385094 القاهرة – القاهرة
سبحان الله و بحمده