ازيكم يا قمرات يارب تكونوا بخير
هبدء فى الموضوع على طول من غير كلام كتير
الحكايه ومافيها انى كان عندى 2 صدور فراخ فى الفريزر ومحتاره أعمل أكل إيه كعادة كل يوم
قوم إيه قلت هعمل كُفتة فراخ اللى هيا بالبطاطس دى كلكوا عارفينها طبعا
جه على بالى كده اعمل صدر كده كتجربه كُفتة رز
والصدر التانى أعمله كُفتة فراخ عشان لو كُفتة الرز طلعت مش حلوه يبأه فيه بديل وكأن شيئاً لم يحدث
أومال إيه مش فتوكه لازم أعمل احتياطاتى برضوا
رغيت برضو
معلشى طبع بأه يا فتوكاتى اعذرونى سماح المره دى
الموهمم
هبدأ بكُفتة الرز بالفراخ
الطريقه:
1:
غسلت الرز من بالليل ونقعته ساعتين وصفيته وحطيته فى فوطه نضيفه وربطته طول الليل عشان ينشف
وتانى يوم هويته شويه تحت المروحه وطحنته فى الكبه أو كبة الخلاط تنفع إن شاء الله
2:
جبت صدر الفرخه قطعته
وفرمته فى الكبه
وحطيت الرز عليه وبقدونس متقطع وبصله متقطعه وفصين توم متقطعين برضوا وبهارات فلفل اسمر مطحون وكمون وكسبره مطحونه وملح
وفرمته بالشكل ده
بليت إيدى زيت وصبعتها كده
وفى الزيت حمرتها كده
وده شكلها
بس التليفون بأه تصويره مش حلو أوى ظالمها يعنى
وعملت بطاطس بطماطم وحطيتها فيها بس قلت أعمل الصدر التانى كُفتة فراخ بالبطاطس
عشان دى تكون سخنه
كُفتة الفراخ بالبطاطس
1:
صدر فرخه مغسول كويس ومتقطع وفرمته فى الكبه
2:
بطاطسايه مسلوقه ومتقشره
3:
بصله مبشوره ومتصفيه من ميتها ومش هرمى مية البصل هحتاجها إن شاء الله
4:
فصين توم متقطعين
ملح وبهارات نفس بهارات كُفتة الرز اللى فوق
وضربتها فى الكبه
وجبت طبق فيه دقيق
وطبق تانى فيه مية البصل وحطيت عليها بيضه وفلفل أسمر وسِنة ملح صغيره جدا وبابريكا
وطبق تالت فيه بقسماط مطحون بعمله من الفينو
وعليه نشا ومتبل ببصل بودره وتوم بودره أو ممكن من غيرهم
صبعتها صوابع وأحط كل صابع فى الدقيق وبعدين فى خليط البيضه بمية البصل وبعدين فى البقسماط
ورصيتهم فى صينيه وقليتهم على طول وده الشكل النهائى بفضل الله
وكان فيه باقى من خليط البيضه ومية البصل حطيت عليهم حتت فراخ كانت عندى من تقطيع الفراخ حطيت عليهم معلقة دقيق كبيره وبصله صغيره خالص مبشوره وبقدونس متقطع وملح وفلفل اسمر وكمون مطحونين
وحمرتهم كده
نيجى بأه للبطاطس عشان أحط فيها كُفتة الرز بالفراخ
قشرت بطاطس وغسلتها وقطعتها مكعبات
وجبت بصله قشرتها وغسلتها وقطعتها وحطيتها مع معلقة زيت تتشوح ولما دبلت حطيت فص توم مبشور وقلبتها شويه
ونزلت بالبطاطس والفلفل الاسمر والكمون والكزبره مطحونين بالشكل ده
وشوحتهم شويه وحطيت قرن شطه سليم كده بيديها طعم حلو بس ده حسب الرغبه طبعا
ونزلت بالطماطم المغسوله والمعصوره فى الخلاط
تابعونـــــــى هكمل المشاركه الجايه إن شاء الله مواضيع هذا القسم برعاية
الاميره ام يوسف نور عيونى الاميره ام يوسف نور عيونى images/avatars/landscape.jpg سوبر فتكات Fatakat 571455 مصر حبيبتى الله يحفظها ويحميهامن كل شر – مع زوجى وولادى ربنا يحفظهم ويحميهم