ازيكم حبيباتى انا كنت كتبت موضوع عن السمك المشوى بس بدون صور دلوقتى نزلت لكم الصور يلا نبدا
*اول حاجه نجيب السمك البلطى وننضف بطنه بس ونسيب الشوك اللى بره ونغسله كويس بالدقيق والخل ونحط عليه ملح وخل ونسيبه شويه
*تانى حاجه نحضر المكونات ده بصل وثوم وفلفل اخضر واحمر وكزبره او بقدونس
*نحط المكونات فى الهون وعليها ملح وكمون وبهارات سمك وندقها كويس
*نحشى السمك بيها ونسيب من الخلطه شويه هنحتاجهم
*نجيب صاجه ونرش شوية ملح عليها ونحطها على عين البوتجاز
*نجيب رده
*نحط السمكه فيها ونغطيها كويس بالرده
*نحط السمكه على الصاجه السخنه
*نحضر على حنب ورقة جرنال وعليها كيس مفتوح ونحط عليها اى نوع خضره بقدونس مثلا
*نروح للسمكه تانى ونقلبها على الناحيه التانيه لحد ما تستوى خالص وتتاكدى بعود كبريت تدخليه فيها لو دخل بسهوله يبقى استوت
*نطلع السمكه على الجرنال اللى احنا مجهزينه ونعصر ليمون كتير عليها ونحط عليها حبه من الخلطه
*نقفل الجرنال على السمكه لحد ما نجهز واحده كمان
*نجهز سمكه كمان
ونكمل بالطريقه ده لحد ما نخلص خالص وده الشكل النهائى
نعمل معاه رز بشعريه او حبه وحبه وسلطه والف هنا
دعوه حلوه بقى ليا ولزوجى وابنى الله يخليكم مواضيع هذا القسم برعاية
مالك قلبى كوكو مالك قلبى كوكو 849520_1.gif فتكات هايلة Fatakat 849520 الرياض – السعوديه
سبحان الله و بحمده