السلام عليكم يا فتوكات
كل ما اقرا موضوع الاقي فتوكة تتكلم على التكييس و النسب و كل وحدة تقول تفسير شكل و نظرية شكل قررت اعمل بحث و لاقيت على موقع فرنساوي طبي جدول عليه شرح النسب الطبيعية فانا حترجموا علشان كلنا نستفيد
اولاfsh:
وقت التحليل اليوم 3 للدورة النسب الطبيعية غاليا ما بين 3و 15 على حسب وحدة قياس كل مختبر
هرمون fsh الاطباء بيعتمدوا عليه علشان يعرفوا مخزون البويضات يعني
اقل من 6 يبقى مخزون ممتااز
من 6ل9 يبقى مخزون كويس
من 9 ل 10 متوسط
من 10 ل 13 مخزون ضعيف
اكثر من 13 يبقى النسبة ضعيفة جداا و صعب التنشيط
* تانيا lh:
التحليل في اليوم الثالث
النسبة المثالية اقل من 7
ممكن يشير للتكيس لو كان اعلى من fsh
لمعرفة ادا في تكيس بنستخدم الكسر lh/fsh g لو النتيجة اقل من واحد او تساوي 1 يبقى مفيش تكيس انما لو حصلنا على اكتر من 1 بيبقى في تكيس و كلما كان العدد اكبر التكيس اكبر و العكس صحيح
لما هرمون lh بيكون في اعلى نسبة ليه معناه انو الاباصة بتم بعده ب 48 ساعة غالبا في وقت الاباضة
*ثالثا e2 الاستراديول
التحليل في اليوم 3 كلما كانت النسبة صعيرة في اليوم 3 كانت نتايج و استجابة افضل مع التنشيط
في حالة نسبة مرتفعة في اليوم التالت ده بيشير الى كيس وظيفي على المبيض او مخزون بويضات ضعيف
التحليل بعد 5ايام من التنشيط لو حصلنا على نسبة ضعف نسبة تحليل اليوم التالت معناه انو في استجابة كويسة للتنشيط
تحليل e2 وقت الاباضة او بعد الحقتة التفجيرية لازم يكون ما بين 200و600 mgلكل بويضة 18مل و النسب ممكن تكون اقل في حالة زيادة في الوزن
ومن هنا بنفهم ليه بعض الدكاترة بيطلبو انو الست تخس شوية
*رابعا البرولاكتين
لازم تكون النسبة اقل من 20 نسبة عالية من البرولاكتين بتاثر على التبويض في حالة نسبة عالية جداا غير طبيعية الدكتور ممكن يطلب اشعة على المخ لشك في وجود ورم في العدة النخامية
*رابعا البروجسترون
وقت التحليل المناسب اليوم 21 الهرمون ده هو اللي بيحدد ادا كان في اباضة و لا لاء
نسبة اكتر من 5 تشير الة انو كان في نوعا ما اباضة بس صعيييفة
الاطباء بيفضلوا انو تكون النسبة اكتر من10 من غير تنشيط او اكتر من 15 بالتنشيط
نسبة البروجسترون مش بتدل على حمل
و يفضل يتعمل التحليل الصبح على صيام
*خامسا tsh
هرمون مرتبط بالغدة الدرقية النسب الطبيعيى غالبا ما بين0.4و4 mg نسبة اعلى من tshfبتدل انو في قضور في الغدة الدرقية و ده ممكن يأثر على الخصوبة
اتمنى يكون الموضوع مفيد و متنسوش التقييم انا تعبت في الترجمة و الكتابة
و ربنا يرزقني و كل مشتاقة الذرية الصالحة ياا رب
hero1000 hero1000 548812_1.gif ممنوعة من المشاركة Fatakat 548812 اسكندرية – مصر