السلام عليكم
زي العنوان كدا
ناس يقولو كشري
وناس يقولو مغلي
طب ايه الصح؟؟؟؟؟؟؟؟
بوصي ياقمر
انا كيميائيه علي فكره
ومنغير علم ولا اي حاجه
هي يعني ايه زيوت متطايره
يعني بتطير بسرعه مش كدا
يعني الحاجات الي فيها الزيوت دي اول مايجي عليها المايه السخنه بتطلع الزيوت بتاعتها
عشان كدا الطريقه الصح
1 – تحوطي معلقه الزنجبيل او القرفه او البودر الي هتحطيه في الكوبايه
2 -تغلي مايه كويس جدااا
3 -تصبي المايه عليها
4 – ودي اهم خطوه تغطي الكوبايه بتاعتك بطبق صغير او بغطي اي حاجه
5 – طبعا تسيبيها شويه تبرد عشان تعرف تشربي وبعدين تكشفي الغطا وتصفي فو كوبايه تانيه لو حاجه محتاجه تصفيه زي الشمر او حبه البركه عشان بيعومو ع الوش
كدا بقي انتي حافظتي علي كل الزيوت المتطايره
وبس كدا ياستي وبالهنا والشفا
اما الطريقه التانيه وهي الغلي ع النار
لو فكرنا شويه لو غليناه
الوقت الي هنغلي فيه الحاجه دي
هتلاقي كل الزيوت تطايرت فعلا وهي ع النار
ومش هتستفيدي حاجه منها
طبعا الموضوع دا عشان عيون الاخت
أمورة وعسولة ومسكرة
يارب اكون افدتك
بس انا حبيت اعملو موضوع
عشان الكل يستفيد
مستنيه ردودكم ياقمرات
افتكاسات.كوم افتكاسات.كوم 282311_2.gif سوبر فتكات Fatakat 282311 القاهره – مصر