ازيكو يا فتوكات … عاملين ايه في الحمل
ربنا يقومنا كلنا بالسلامة ياااااارب ويرزق كل مشتاقة ياااااارب
الموضوع ده عن المرهم اللي بيدهن بيه الحلمات عشان الرضاعة
بصو بقي انا عايشه في الكويت مش في مصر … فاضلي كام يوم وادخل التاسع باذن الله … دعواتكو يا بنات بقي
والحمدلله متابعة مع دكتور ممتاز ماشاء الله عليه … وبما ان ده اول حمل ليا وبعيده عن اهلي .. ومامتي حبيبتي ربنا يخليهالي يارب مش فاكره حاجات معينه عن الحمل اكمن ده اول حفيد لاسرتنا ففي حاجات كتير بسأل الدكتور عليها وهو بيسمعني ويجاوب الحمدلله
المهم بقي انا شفت هنا كذا فتوكة بتتكلم علي التمرين اللي بيتعمل للحلمات عشان الرضاعة الطبيعية وناس قالو نبدأ من الخامس وناس السادس وهكذا … وان ندهن زيت زيتون ولا زيت لوز وفي ناس قالت زبده كاكاو وكريمات تانيه …. فانا في السابع تقريبا سألته علي الموضوع ده قالي لا لسه بدري لان التدليك للمنطقة دي بيعمل طلق وولاده مبكره … وانا طبعا قعدت ادور في المواقع الاجنبية وعرفت ان فلا التدليك في منطقة الحلمات بيساعد علي افراز هرمون تقريبا بيساعد علي الطلق المبكر
المهم امبارح كنت عند الدكتور وقالي من اول شهر 10 باذن الله حنكون دخلنا التاسع ابدأي ادهني المرهم ده 3 مرات في اليوم مع شد الحلمة للخارج … المرهم ده ممتاز واحسن من زيت الزيتون واي كريمات تانيه لانه طبيعي 100٪ وحتستمري عليه ان شاء الله لحد بعد الولاده في فتره الرضاعه يعني ومش محتاجة امسحه قبل الرضاعه باذن الله … انا جبتلكو المرهم وكمان صورتلكو النشره بتاعته
المرهم ده مستورد لاني بره مصر … بس جوزي صيدلي وقالي انه موجود منه مصري معمول من شركه مصريه ورخيص مش غالي واكتر حاجة آمنه
انا عارفه ان ممكن تكون معلوماتي قديمة بس في هنا بنات زيي اول حمل ليهم قولت افيدهم زي ما انا استفدت
اتمني اني ما طولتش عليكو … ادعولي بقي بالله عليكو اعرف اجيب اهلي لحسن قافلين الزيارات
وماتنسوش التقييم
SHINY STAR SHINY STAR 363814_3.gif فتكات هايلة Fatakat 363814 الكويت – الكويت