السلام عليكم يا فتوكات
امبارح عملت كبده فراخ بصوص الدمى جلاس والاكله ده تعتبر اختراعى لاننى مشفتهاش قبل كده
وانا فى الهايبر لقيت فى قسم العطارة دمى جلاس باودر الكيلو 64 جنيه وممكن تاخدى حسب ما انتى عاوزة 50 جرام 3 جنيه تقريبا
طلعا فرحت اووى اننى لفيته باودر واشتريت منه
والى ميعرفش صوص الدمى جلاس هو اصوص البنى او البراون صوص
وهو بيتعمل بعظم البقر او الجاموس مع بوكييه جارنييه
وبيتحرقوا فى الفرن وبعدين بنسبهم يغلوا بالساعات ويتصفوا
علشان نحصل على كميه دمى جلاس وطبعا بيبقى طعمه واوووو
لاهنه فيه خلاصه العظم مع المنكهات الى احنا حاطينها
بس طبعا عمايله مش سهل وبياخد وقت كتير
فالجاهز اسرع وطعمه حلو اووى وكلان فى عبوات عاملها الشيف شربينى عليها صورته بس برده ملقتهاش كتير فالى تلقوه اشتروه
نبدأ بسم الله
نص كيلو كبده فراخ مغسوله كويس بالخل والملح
ولازم يا جماعه القلب بتاع الفرخه يتفتح من النص ويتشطف لانى بشوف ناس بتعمله سليم وطبعا بيبقى جواه ده وممكن يخلى الكبده زفرة
حوالى معلقتين كباردمى جلاس مدوبيين فى نص كوب مايه
ملح وفلفل وبهارات
نص كوب كريمه لبانى او لبن او قشطه المتوافر عندك
زيت
الطريقه
ده شكل الدمى جلاس الباودر بيبقى لونه على بنى شويه وريحته حلوة اووى
هندوبه فى المايه كده هيبقى لونه براون غامق
هنحط الطاسه على النار تسخن كويس اووى
ونحط الزيت وبرده لازم يسخن لاننا عاوزين نعمل صدمه لكبده ومش تنزل مايتها
نقلبها لغايه ما نحس انها دخلت على السوا ومايتها نشفت كويس
نضيف الدمى جلاس الى مجهزينه
وتسيبها تغلى شويه هتلاقى الصوص تخن وبقى عامل زى المهلبيه الخفيفه كده
تضيفى القشطه او الكريمه او اللبن
وبس كده بقى جاهز طبعا الريحه واووووووووو والطعم يجنن بجد
وده الشكل النهائى زينه بفلفل رومى مقطع وبصل اخضر واداله طعم حلو اووى
وقدمت معاه ارز بالشعريه حطيته فى القالب المجوف بتاع الكيك وفى النص حطيت باقى الصوص كده
اتمنى تعجبكم وتجربوها واى سؤال انا تحت امركم
ومتنسوش التقييم والردود الحلوة
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى