ازيكم يا اجمل اصحاب في الدنيا
يارب تكونو بخير و سعاده
النارده بقي عملت شويه كبده اسكندراني انما اييييه حلوين اوي قولت اجي اقولكم الطريقه
وهي سهله جدااا اصلا و مكونتها بسيطه
صوره تجويعيه في الاول
يلا نبدا باسم الله
انا عملت كميه قليله عشان كنت لوحدي بس طبعا زودو براحتكم
ربع كيلو كبده
2 فلفل اخضر
بصله صغيره
توابل ( فلفل اسود و كبابه صيني و قرفه و جنزبيل و بابريكا و توابل لحمه ) ربع معلقه من كل نوع
و طبعا ملح
الطريقه بقي
هانغسل الكبده كويس اوووووي
هانبشر البصله و ناخد ميتها بس و نحطها علي الكبده و نحط كمان التوابل عليهم
وهانسبها كام ساعه كده عشان تشرب التتبيله
هانجيب طاسه و نحط فيها معلقه من او زيت و نسخنها خااالص و ننزل بالكبده بقي و نقلب بسرعه
ونوطي النار خااااالص و نغطيها هاتطلع ميتها و تسوي نفسها بقي براحتها
وهنا قرب ماكانت هاتستوي
و نضيف بقي الفلفل و نقلب تقلبتين كده
اول مايدبل سنه نحط الطماطم و تقلبتين
و نطفي و كده تبقي خلصت
وده شكلها في الطبق
و زوووووووووم
وهنا حطيت عليها طحينه
وطعمها وهمي بجد جربوها و مش هاتندمو
هااا ايه رئيم في الوصفه يارب تعجبكم
ومش عاوزه غير دعوه حلوه ان ربنا يشفي خطيبي و يتم زواجنا علي خير
وطبعا التقييييييييم
مواضيع هذا القسم برعاية
ريمو المصريه ريمو المصريه 422402_2.gif فتكات ست الكل Fatakat 422402 مصر – مصر