حبايب قلبى القمرات العسلات حلويات فتكات
النهاردة عملت اكلة بحبها قوى وبتفكرنى بمصر جدا وعارفة انها مش جديدة بس برده غلاسة منى قلت لازم
ادوشكم معايا امال يعنى اكل لوحدى لازم اجرى ريقكم ههههههههههههههه
شوريرة انا ياناس
ندخل على المضمون وبطلى رغى منك ليها
عملت كبده مقلية بالردة ومعاها سلطة مية النار وسلطة طحينة بالزبادى وبطاطس محمرة
ندخل على الطريقة
قطعت قلب الكبده من الغسيل غسلتها وبعدين رشيت عليها كمون ونص لمون
وسيبتها 10 دقايق ومش باغسلها من الخلطة دى
حطيت عليها دقة عبارة عن فلفل احمر واخضر وتوم وكمون ولمون
وبصراحة دى باجيبها من مصر ماما الله يباركلها بتعملهالى تقضينى السنة
واسيبها برده 10 دقايق
دى بعد ماحطيتها فى الرده
هنا بقى واهم خطوة لو حابة تطلع مقرمشة من برة وطرية من جوه بتخلى الزيت يقدح جامد
يغلى قدامك ويكون غزير وتنزلى بيها فى الزيت شايفين الغليان
وده طبقى بعد ما خلصته قدمته على جرجير متقطع وبتبقى احلى مع البقدونس
ط³ظ„ط·ط© ط§ظ„ط·طظٹظ†ط© بالزبادى
معلقتين طحينة نص علبة ط§ظ„ط²ط¨ط§ط¯ظ‰ دى لو فى مصر يبقى علبة جهينه مثلا
ونص معلقة نعناع بتطرى على قلبى بصراحة
ومعاهم نص معلقة كبيرة دقة نفس بتاعة الكبده
وملحك زى ماتحبى
ده شكل الطبق
نيجى بقى ظ„ظ…ظٹط© ط§ظ„ظ†ط§ط±
طماطم باى كمية زى ماتحبى انا قطعت اتنين قطع كبيرة وحطيت عليهم معلقة شطة كبيرة ومعلقة من الدقة اياها
وزودت نص كوباية ميه وقلبت
وكل يامعلم مية ناااار بتبقى حلوة مع الكبدة قوى
بطاطسى المقلية تعبت قوى على ماقلتها
الشكل النهائى بعد ماخلصت حابة بقى مع مكرونة ماشى ومع عيش بلدى سخن بتبقى روعة
وده كمان
امانة عليكو تدعو لبابا لان كان فى العناية المركزة وخرج من اربع ايام ادعوله ربنا يتمم شفاه على خير
وينسى السجاير دى اللى جايبة صحته لورا
مش هاقول التقييم بقى وكده هابقى طماعه يكفينى دعواتكم
مواضيع هذا القسم برعاية
امانى جميلة امانى جميلة 293909_53.gif برنسيسة فتكات Fatakat 293909 جدة – السعودية(الغربة)