ازيكم يا حبايبى انا اول مرة اعمل موضوع فى قسم المطبخ
عاوزين تشجيع جامد من انهون بقى؟؟؟؟؟ من بتاع الماتشات
وعاوزة منكم تققيم حلو الا وربنا اخطف منكم الطبق هههههههههه
انا جوزى مسافر بقاله مدة وقاعدة عند اهلى بس بروح شقتى كل جمعة اشوف طلبات حمايا وانضف وكدة يعنى قوم ايه هو اصر انى افطر معاه وكدة
قوم ايه انا بقى بحب الاكل المتبل وهو لا ميحبش الا الفلفل والملح فكان لازم اعمل حاجة جنب الاكل تفتح نفسيتى
المهم بدعبس عندى لقيت حتت لحمة بنت ناس كدة وزنتها لاقيتها 320 جرام قلت يادوبك تكفينى 3 ايام هههههههههههه
جبتها وقطعتها بالشكل دة
وجبت بصلة متوسطة كدة برضة بنت ناس وقطعتها صغنن على قد ما اقدر
ونجيب شوية بهارات متنوعة وشوية فلفل ابيض وشوية فلفل اسود والصغننين خالص دول حبهان وجنبهم جوز الطيب ونص معلقة الشاى صلصة والمعلقة النونو دى اللى بحطها فى كل اوانى البهارات لذيذة هههههههه واوعوا تنسوا الملح ولو عندك ورق لورو او توابل تانية بتحبيها حطى بس اهم حاجة بصراحة جوز الطيب بتخلى الريحة والطعم حكاااااااااية
وكمان فص ثوم ونص من التوم المتغذى دة
ودى شكل المكونات قبل ماتتحط ع النار
ونحط الاناء ع النار ويفضل تيفال عشان دى بتقعد مدة ع النار ومعلقتين زيت بس عشان اللحمة بيبقى فيها دهون وانتم عارفين الدهون والصيام والكرش والارداف كل دة لايتفق سويا بعد رمضان ههههههه
ونحط البصلة تتشوح لحد مالونها يبدأ يشقر اصفر خفيف خالص
واول لما ريحته تهل عليكم كدة تروح حاطين التوابل كلها وبعدها ب25 ثانية تحطوا الصلصة
وبعدين تقلبوا كويس وتحطوا اللحمة
وتقلبوا اللحمة كويس وتستنوا لما تتشوح وتصرد ميتها وتعصروا عليها الليمونة هتلاقوها بالشكل دة
شايفين كوباية المية دى مقلبظة حوالى 250 مل هتحطوا نصها بس فى الاول
هنضيف المية لما نلاقى شكل اللحمة بقى كدة
وهيكون شكلها كدة وبعدين نغطيها على نار متوسطة هادية
وكل شوية نكشف عليها ونشوف اخبار المية ايه ونزودها ونقلبها كويس بس لما تقرب تنشف ونزود شوية بشويه نص كوباية عشان منفتحش لونها ويبقى غامق ولذيذ الصوص كل ما كان اغمق كل ما كان الذ
ودى لما غرفتها والطبق دة هدية لاول فتوكة هتقييم
وربنا يجعل ايامكم كلها سعادة وصحة يارب وادعولى ربنا يريح قلبى ويفك كربى ويرزقنى ببتول
مواضيع هذا القسم برعاية
pure soul didi pure soul didi 702384_7.gif فتكات متميزة Fatakat 702384 دبى – الامارات العربية المتحدة