اهلا يا فتوكاتي حبيباتي
عارفين طبعا فطيرة الراعي اللي هي أكلة انجليزية
عبارة عن
لحمة عصاج بالخضار وبطاطس مسلوقة
اللي هي تقريبا بطاطس بيورية نفس الطريقة بس يتزيدي
عليها البشاميل
وبما ان معظم الأكل كان اختراعات
يلا مش مهم لما نخترع احنا كمان
البطاطس المسلوقة ممكن تعمليها عشا سهل وسريع
جنب طبق سلطة خضرا وبتحطي عليها بيض
ناس بتعمله مسلوق
وناس بتقليه
وشوية كوزبارة وشبت
وبالهنا
مش هطول عليكم
دي نفس الوصفة بس بإسلوب مختلف شوية وسريع ومن غير لحوم
(توفير برضو )
البطاطس مسلوقة وبتهرسيها بشوية حليب وزيت وتحطي البهارات
ملح – كمون وفلفل اسود شوية
البطاطس بتحب الكمون على فكرة
اه هي قالتلي
قطعي فلفل رومي وطماطم
حطيهم على 3 بيضات ورشة ملح وفلفل واضربيهم
نفرد البطاطس في الصينية ونصب فوقها البيض
اكسري بيضتان وسيبيهم كده منظر يعني
ودخليها الفرن وروحي تابعي قضايا ساخنة
بس اوعي تنسي اللي في الفرن ليتحرق من القسم ده
(اصل اعصابي تعبت قلت اغير خليني في الطبخ )
بتقولي خليني في قسم قضايا ساخنة احسن
طب خلوني اجرب فيكو
حاكم جوزي زهق من كتر التجارب والاختراعات
بالهنا والشفا وادعولي
مواضيع هذا القسم برعاية
دهــب دهــب 362476_2.gif فتكات رائعة Fatakat 362476 مصر – السعودية