السلام عليكم ورحمة الله وبركاته
ازيكم يافتوكااات ياغالياات
بصوا بقة انا اول مرة فى المدونة اكتب موضوع عن وصفة
بس اللى شجعنى انى اكتبهالكم انى لقيت ناس كتيير بيقولوا الفطير المشلتت مش بيتعمل فى
فرن البوتاجاز
ولازم فرن مخصوص وكلام من ده
فانا جبتلكم الفطير المشلتت المصرى على اصوله
وبالصور خطوة خطوة وقولولى ايه رايكم
وطبعا بالله عليكم تقيمونى لو شافين الموضوع يستاهل لانى فعلا تعبت جدا فى رفع الصور
وتصغيرها والكلام ده وانا مبتدئة فى الموضوع ده اساسا
كفاية رغى بقة ونبتدى
المقادير
دقيق
ماء
ملح بسيط
زيت
زبدة
1
بتجيبى الدقيق الكمية اللى انتى عاوزاها كيلو مثلا بيعمل فطيرة كبيرة
وتنخليها تحطيها فى الاناء اللى هتعجنى فيه
وتزودى المياة وملح قليل خالص وتعجنى
طبعا انا مش بعمل بمقادير
انتى بتعجنى لحد ما تلاقى العجينة كويسة يعنى مش يابسة ولا لينة اوى
ممكن العجينة تلاقيها بتلزق كده فى الاول مش مشكلة هتتظبط فى الاخر
ممكن تنقليها على الرخامة مرشوشة بشوية دقيق
علشان تعجنى براحتك
تعجنى لمدة 5-10 دقايق كده
ودى بعد ما خلصت عجن
هندهنا بالزيت علشان مش تلزق فى الاناء اللى هتتحط فيه
ونحطها فى الاناء ترتاح نص ساعة تقريبا ونغطيها ببلاستيك او اى حاجة
ودى بعد ما ارتاحت
طبعا على ما رتاح بتجهزى الحاجة اللى هتشتغلى بها
الزيت
الزبدة
بعد كده بتقطعيها كور صغيرة وبتقطعى بزيت مش بدقيق يعنى تبلى ايدك من الزيت وتقطعى
ولازم تسيبيها ترتاح عشر دقايق مثلا
واهم خطوة فى عمل الفطير هى انك تسيبى العجينة ترتاح مهم جدااااا
بعد كده فى الصينية او على الرخامة او الطاولة اللى هتشتغلى عليها
وتصبى شوية زيت زى فى الصورة كده
وتبتدى تفردى العجينة بايدك مش هتحتاجى نشابة ولا اى حاجة طالما العجينة مرتاحة كويس هتتفرد معاكى بسهولة جداا
وتبدأى تكبريها وتشديها بايدك لبرة
ولو اتقطعت منك مش مشكلة وارد جداا انها تتقطع
وهتلاقى السطح اللى انتى بتفردى عليها باين خالص من تحتها زى الصينية كده
بعد كده توزعى زبدة على العجينة اللى فردتيها
وبعدين تطبقيها بالشكل ده
هتجيبى من الطرف للنص لحد ما تبقى كده
وتشيليها تحطيها على جنب
وبعدين تجيبى اللى بعدها ونفس الكلام تفرديها وتكبريها وتشديها بايدك
وتحطى الزبدة زى الاولى بالظبط
وبعدين بقة قبل ما تطبقيها تحطى فيها الاولى اللى انتى ركنتيها على جنب
هتحطيها فى النص بالشكل ده
وتبتدى تقفلى عليها بنفس الطريقة
وبعدين تشيليها على جنب
يتبع …
متنسوش التقييم ياقمرااااااااات
مواضيع هذا القسم برعاية
snsn hamada snsn hamada 385075_4.gif فتكات ست الكل Fatakat 385075 أم الدنيا – مصر