وطبعا مافيش حد مبيحبش المشوى وخصوصا بقا ع الفحم ياخرااشى ع الجمال بس ديما نروح ندفع فلووس اد كـــــــــده على نص فرخه شبه العصفوره وفى الاخر بناكل واحنا منبهرين بطعمها بس ناسين اننا مش ضامنين نضافتها ولا الفراخ دى جايبينها منين والزاى
وعشان كده هنتحدى نفسنا وهنعمل فراخ مشويه زى الجاهز بالظبط وكمان احلى وبدون افتكاسات عشان لو افتكسنا كده مش هتطلع فراخ مشويه كده هتطلع والســــــــــــــــر بقا عرفته من واحد كان شغال فى محل مشويات بس اوعى تفتنوا عليه احسن الراجل يقطع عيشه
ندخل بقا ع الطريقــــــــــــــــــــه وكمان البث المباشر من ع سطح بيتنا
اول حاجه تتبيله الفراخ
فرخه صغيره عشا تستوى فى الشوى بس انا هنا كان موجود فرخه كبيره والجيش قالك اتصرف فروحت خليتها من العضم ماانا كان نفسى اكلها مشويه يعنى ماكلش يعنى ولا ماكلش
التتبيله بقا
ميه بصل +ملح وفلفل+بهارات شوى ودى بتتجاب من عند العطار+معلقتين خل +طماطمايه صغيره مبشوره ناعم +فص توم صغير مفروم ناعم اووى+بهارات فراخ
وتسيبيها فى التتبيله حوالى 7ساعات او تعمليها من بليل بتبقى الذ واطعم بس بالله عليكى يافتوكه ماحد يحط اى نوع توابل تانيه زى بابريكا او زعتر انا عارفه ان التوابل دى بتحفذ الطعم وتخليه تحفه بس احنا قولنا فى الاول عايزين ناكل مشوى ع اصوله والاصلــــــى يكسب
هنا بقا ولعت الفحم اينعم طلع عينينا واحنا بنولعه بس فى الاخر الحمدلله ولع بسلام وشوينا وكل فتره اقلب الفراخ
وهنا الفراخ لما قلبتها ع الوش التانى شايفين الدخان اللى طالع ولا الريحه ياوهوووى(تعذيب نفسى )
زوووووووووم
وده شكلها لما طلعت
وفى تكايه كده كمان لما بنشوى فراخ وتبقى مخليه وفاضت الصدور بحطها فى كيس تلاجه واشيلها واجى اطلعها اعمل بيها بيتزااااااااااا فراخ بتبقى فظيييييييييييعه بجد
مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt