السلام عليكم ورحمة الله وبركاته
كل سنة وانتو طيبين
ودايما متهنين
وعلى فتكات متجمعين
بكرة اية يا بنات
بكرة العيد
والعيد فرحة
ماااااااااااااااااااااااااء
حبيت اعيد عليكم قلت اقلكم وصفة تنفعكم فى العيد
وتخلى كل اللى حواليكى سعيد
ويشكر فيكى وفى فتتك
فقلت اقلك طريقتى فى عمل الفتة
ومش اى فتة دى فتة عيد الاضحى
بصى كدة كويس وركـــــــــــــــــــــــــــــزى جامـــــــــــــــــــــــــد
ايوة كدة ههههههههههههههههههههههه
والله بحبكم فى الله
المهم
نقول المقادير
عارفين العيش البلدى او الصعيدى او الشمسى كلها اسماء نوع واحد
هاتى رغيفين لو محمصين تمام لو طرى خلاص بسيطة قطعى العيش وحطى عليه شوية سمن وحطية تحت الشواية
واقلبيه الناحية التانية وخلاص كدة تحمص
تانى حاجة تكونى طبعا سالقة اللحمة ومتبله الشوربة بالملح والكمون والحبهان وورق اللورا ومظبطاها من الاخر
هاتى الحلة وحطيها على النار وحطى فيها معلقة سمن وحمرى شوية رز خااااااالص وضيفيله شوربة كتير على الرز مع قطع لحمة او مكعبات لحمة مستوية طبعا
وسبيهم مع بعض لحد ما الرز يستوى
وبعد كدة يا ست الستات تاخدى الشوربة باللى فيها وتحطيهم على العيش
وتكونى مجهزة صلصة طماطم بالتوم والخل تحطيها على الوش وبالف هنا وشفا
جربى وبجد هتعجبك
وكل عيد وانتى بخير
رايحة فين استنى
ليا طلبين صغننين
رد يرفع الروح المعنوية
وتقييم يفرحنى اكتر واعتبره عديتى ههههههه
يلا بقا سلام
اروح اكمل تنظيف وارجعلكم بعد شوية
لو عندكم اى استفسار انا تحت امركم
بحبكم فى الله
ام ملك مواضيع هذا القسم برعاية
ام ملك واحمد ومريم ام ملك واحمد ومريم 215666_4.gif فتكات ست الكل Fatakat 215666 سوهاج – مصر