اخواتى فى الله …
اسعد الله ايامكم ولياليكم..
وجعل الله قلوبكم مسخرة لطاعته وحبه وحب من احبه…
اللهم امين
موضوعى النهاردة…
عن ازاى تثقى فى نفسك..؟..ومنين تستمدى الثقة دى..؟..مهما كانت معطيات حياتك اللى انتى عايشاها..
او مقبلة عليها….كل دة عن طريق جملة واحدة بس…هتقوليها بمنتهى الثقة والتوكل…
وهى
…حسبي الله لا اله الا هو عليه توكلت وهو رب العرش العظيم…
كل واحدة مظلومة…هى من وجهة نظر نفسها اكتر حد اتظلم فى الدنيا دى…
ويبتدى الشيطان يدخلها بقي من كل ثغرة…ومن كل نواقص حياتها…
انا عن نفسي عشت كل المواقف اللى جاية دى..يعنى دة مش مجرد كلام…
لا …تقدرى تعتبريها خلاصة تجربتى فى الحياة.
وعلشان كدة …
انا عايزاكى تقريلي بذهن صافى…وخالى من اى سلبيات فى حياتك…معلش استحملينى ال 10 دقايق دول…
يا اختى وحبيبتى وغاليتى…
لانى انا عارفة ان الحياه صعبة جدااا…وان كل لحظة منها ماهى الا…حلقة جديدة بتاخدك فى دوامتها…
او دايرة مقفولة…وانتى بتلفى فيها بدون ارادة…
ومن هنا بقى…
بتبدى كل اساسيات شخصيتك تتزعزع…من وانتى لسة طفلة…ونفسك تفهمى الحياه…فتلاقى صور للحياه حواليكى ..
تعدم جواكى اى تطلع لمستقبل باهر…
ولما تكبري سنة ورا سنة…
وتبتدى توسع الدايرة عليكى اكبر واكبر…وتصاحبى ويتغدر بيكى…وتحبى وتتوجعى…وتتخطبى وتتهانى…
وتتجوزى…فاحيانا….
تموتى كل يوم الف مرة…
بعد الشر عليكى يا غالية من اى سوء…ربنا يبارك فى كل لحظة من عمرك اللهم امين…
وكل دة ليه يا قرة عينى…
لانك ناسية …انتى موجودة فى الدنيا ليه…ومش شايفة غير انك انتى بتاخدى من الدنيا ومن ناسك ايه…
ومركزة اوى…مع تصرفات والدك ووالدتك اللى من وجهة نظرك..كطفلة…ومراهقة…وشابة…وانسة…قهرية جداااا…
وانهم ظلموكى وبيظلموكى كتييييييير…
ونسيتى ان ربنا سبحانه وتعالي…اوصانا عليهم فى كتابه الكريم …مش بس كدة دة قرن بين عبادته وبين بر الوالدين..
ايا كان بقى الوالدين دول…وايا كانت معاملتهم ليكى …ربك سبحانه ووتعالى..
عمم الوصاية والامر
كما فى قوله سبحانه وتعالي….
( وقضى ربك ألا تعبدوا إلا إياه وبالوالدين إحسانا )
وفى قوله ايضا:-
( ووصينا الإنسان بوالديه إحسانا حملته أمه كرها ووضعته كرها وحمله وفصاله ثلاثون شهرا حتى إذا بلغ أشده وبلغ أربعين سنة قال رب أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت إليك وإني من المسلمين ( 15 ) أولئك الذين نتقبل عنهم أحسن ما عملوا ونتجاوز عن سيئاتهم في أصحاب الجنة وعد الصدق الذي كانوا يوعدون ( 16 )
كما قال سبحانه ايضا :-
( ووصينا الإنسان بوالديه حسنا )
صدق الله العظيم
ومن هنا باقول لكل بنت…
خلى ثقتك فى نفسك مستمدة من رضا الله عنك …فى بر والديكى وارجوووووكى بلاش تعقيهم سرا وعلنا…مهما قالوا..
او عملوا…واحتسبي كل شيئ لله عز وجل…
واعرفى ان معاملتك ليهم..دليل علي نقاء قلبك وعلي قوة شخصيتك…وعلي قبل كل دة مدى علاقتك بالله عز وجل..
فجددى الان النية لله وبرى والديكى…
رضى الله عنكى وارضاكى ومن عليكى بنعمة الثبات فى القول والفعل والعمل
اللهم امين
اما انستى المخطوبة الغالية…
فاسمحيلي اقولك…استمدى ثقتك بنفسك …من كل نظرة…او كلمة…او فعل ..او عمل…انتى تركتيه ارضاء لله عز وجل…
واعلمى ان امر الله فيكى قاض…مهما حاولتى بكل الطرق الدنيوية..انك تصارعى علشان نصيبك..
او انك تقفى لاهلك …علشان يوافقو علي انسان انتى تعرفيه…او انك تتجاوزى معاه علشان ما يسبكيش…او انه يسيبك لا قدر
الله..
فتقفلى على نفسك كل الابواب المفتوحة…
وتبعدى عن كل الناس…وكمان تبعدى عن رب الناس…لا ياغاليه…لو عايزة تعيشي وانتى مرتاحة البال…كونى لله..
خالصة ..مخلصة…فى عبادتك وطاعاتك…وتعاملاتك…
وان شاء الله ربنا هيجازيكى خير الجزاء..واعلمى ان كل امورك خير ليكى بامر الله …فخلي ثقتك بنفسك مستمدة من الرضا…
الرضا بقضاء الله عز وجل مهما كان….
فلازم تحتسبي نفسك لله عز وجل…
واعلمى ان فعلا من ترك شىء لله عوضه الله خيرا منه…و دائما اذكر بها نفسى واحاول قدر المستطاع العمل بها…
ودلوقتى بذكرك يا اختى وبارك الله فيكى وفى امثالك..ورزقكى الخير وارضاكى بيه حيث كان..
اللهم امين
نيجى بقى ….
لصاحبة الهم الاكبر…والثقة بالنفس الشبه معدومة…
…الا وهى الزوجة…
ليكى تقريبا نفس كلماتى للمخطوبة فوق…ولكن هاضيف عليه…رؤيا شخصية لقول رسول الله صلى الله عليه وسلم:-
"لما قدم معاذ من الشام سجد للنبي صلى الله عليه وسلم فقال: ما هذا يامعاذ؟ قال: أتيت الشام فوافيتهم يسجدون لأساقفتهم وبطارقتهم، فوددت في نفسي أن نفعل ذلك بك فقال رسول الله صلى الله عليه وسلم: فلا تفعلوا، فلو كنت امراً أحداً أن يسجد لغير الله لأمرت المرأة أن تسجد لزوجها، والذي نفس محمد بيده لا تؤدي المرأة حق ربها حتى تؤدي حق زوجها ولو سألها نفسها وهي على قتب لم تمنعه"
صدقت يا حبيبي يا رسول الله.
وهنا هقولك رؤيتى الشخصية …
عن الحديث دة…الا وهى يا غاليتى وحبيبتى…ان السجود لا يتم الا فى الصلاه…بشكل عام ومباشر …اعلم ان هناك سجود..
عند قراءة ايه تأمرنا بالسجود…وسجود الشكر……الخ..
لكن عامتا السجود يتم فى الصلاه…والصلاه هى اسم مشتق من الصلى…اى العلاقة القوية والحميمة بين العبد وربه…
وعلشان كدة…تعتبر هى صدق عمل المسلم…واول ما يحاسب عليها المرء…
وصلاحها فيه صلاح لباقى العمل…او العكس تماما..
ومن هنا اقول لكى ايتها الزوجة…
لو كان حبيبك المصطفى امرا احدا ان يسجد لغير الله لكان امرك انتى بدة…وكل مفسري الحديث دة بيتطرقو لعظم حق الزوج
على الزوجة فقط…
ولكن من وجهة نظرى…
انه من عظم الصلة بينك وبين زوجك…
فلله المثل الاعلي …
لكن حبيبك هو اللى قال…وعلى اصل ما قال انا باقولك…ان كل امرك لله…ثم كل امرك لزوجك….
وتقدرى تعددى كم الابتلائات اللى ربنا ابتلاكى فيها…ولاااااازم تصبري…وتحمدى…وتعبديه…
ولله المثل الاعلي…
لكنى اتكلم عن عظم الصلة اللى ذكرها رسولنا الكريم فى حديثه…وبقولك لازم…تصبري …وتحمدى…وترضى زوجك..
بنية ارضائك لله عز وجل…وتحتسبي كل دة لله عز وجل وانتى فى قمة الرضا بان كل امرك خير…
اسال الله لكى التقى والعفاف ….وانشغال القلب بما يحب ويرضى..
اللهم امين
واخيرا كلمة فى اذن كل حامل وكل ام…
ابنائك امانة فى عنقك…حبيهم …وربي نفسك وقوميها من خلال تربيتك ليهم…حسِنى من عيوبك علشان ما يقلدوهاش…
واقيمى صلاتك بيهم ومعاهم وهما لسة سنتين…واحفظى معاهم قرآن ولو ايه او ايتين كل يوم…
وتاكدى ان مشاركتك ليهم في العمل…وهو التربية الحقيقية….
واغرسي فيهم حب الله وحب رسول الله …وتعاليم الاسلام البسيطة…اللى تخلي بالك مرتاح من ناحيتهم..
واستمدى ثقتك بنفسك…من برائتهم…وصفحات قلوبهم البيضا….
اللى محدش هيرسم فيها حياتهم بعد قدر الله غيرك انتى.
فاستخدمى من الالوان ما يعينك على الاخرة وما يعينهم علي الحياة...
واحتسبي صبرك عليهم لله عز وجل…
اقول قولى هذا واستغفر الله لى ولكم..
اللهم اجعلنى واياكم ممن يستمعون الى القول فيتبعون احسنه
اخواتى فى الله
اشهد الله اننى احبكم فى الله
فاللهم اجعلني و اياكن…… في رياض الجنة…واجمعنى بكم فى الفردوس الاعلي
وحول حوض النبي محمد صلي الله عليه وسلم
اللهم امين
ام..عمريم..ساره ام..عمريم..ساره 609644_4.gif ممنوعة من المشاركة Fatakat 609644 الاسكندرية – مصر