مكملين الوصفات الخفيفة واللايت لصحتنا وصحة بيوتنا
مجرد متغيري طريقة طبخك للأكل ..
لو تخينة هاتخسي ولو خسيتي مش هاتتخني تاني
ومعانا النهاردة وصفتين جداد واحدة غدا والتانية مشروب لذيذ اوووي
يارب يعجبوكم
نبدأ باسم الله
ومكروونة
مكرونة بالصوص الأبيض واللحمة المفرومة (بطريقة خفيفة)
الصوص (معلقة ص زيت +معلقة دقيق مع بعض يتحمروا .. 4 كوبايات حليب خ الدسم مع ماية وتدوبي فيهم 3 معالق دقيق وتضيفيهم على نار هادية .. ملح وفلفل وبهارات )
اللحمة دسمها قليل تعصجيها من غير زيت مع خضار وملح وفلفل ..
المكرونة تتسلق مع ملح وبس ( عملت نص كيس ) ..
نجيب صينية مقاس وسط ..
نخلط البشاميل مع المكرونة .. نحط نصه في الصينية وبعدين اللحمة بعدين النص التاني ..
التسوية بقى اختياري
لو تحبيها محرمشة وناشفة سيبيها في الفرن على درجة 200 ساعة الا ربع ..
لو تحبي الصوص سايب ومش ناشفة هاتحمريها بس تحت الشواية ..
انا المرة دي حرمشتها حبة من باب التغيير ..
قطعتها 6قطع كل قطعة كانت 300 سعرة .. والي في لطبق هيا دي
يعني الكمية الي في الطبق مشبعة جدا وحلوة بس 300 سعرة ..
وبالف هنا وشفا
https://encrypted-tbn1.gstatic.com/i…vOCX_5ZotIbHoK
سمووزي المووز اللذيذ
سموزي الموز اللذيييذ واكيد لايت
موزتين + خوختين + معلقتين كبار زبادي + تقريبا نص كوباية حليب خ الدسم ومعاهم معلقة ص عسل
اخلطي كله في الخلاط وادعيلي
بيعمل كوبايتين كبار وكباية صغيرة
في الكوباية تقريبا 120 سعرة
مشبع ومنعش للصيف وشبه الميلك شيك (الايس كريم مضروب بالحليب )
يارب يكونوا عجبوكم ولو جربتوهم بجد هاتدعولي
اشوفكم الوصفة الجاية
مواضيع هذا القسم برعاية
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة