اانا والده بقالى 28 يوم بالظبط
قيصرى
ومع انها تانى مره بس غلطت غلطه رهيبه
حبيت انبه منها كل واحده داخله تولد عشان ميحصلهاش
الى حصلى
طبعا اى دكتور بيقول ان الواحده تفضل اول يوم
ونص اليوم التانى كمان تشرب يانسون بس
وممنوع تاكل اطلاقا لحد تانى يوم
فاول ولاده حصل معايا كده وسمعت كلام الدكتور
ومكنتش فاهمه طبعا ده ليه بس عملت كده وخلاص
الولاده دى بقا
كنت قبل الولاده بتلات ااايام من خوفى جالى ترجيع
ومكنتش باكل حاجه
ولما رحت اولد كنت طبعا صايمه قبلها ب 12 ساعه
وكان عندى هبوط ده غير الضغط النفسى والتعب
اول ما بقيت كويسه قلتلهم جعانه جدا
سالوا الدكتوره قالت طب خلاص على بالليل ممكن تاكل
حاجات خفيفه اوى
يعنى مثلا حته فينو وعصير وطبعا مع اليانسون
انا بقا يادوب شربت كوبايه يانسون
واكلت ايه بقا 
تلاته زبادى وبقسماط وشربت اربعه عصير
وقلت ايه المشكله دى يادوب ساعه عمليه
مش موضوع يعنى
بمجرد ما الفجر جه
بقوم من السرير لاقيت مغص غريب جدا جدا جدا
قلت لحماتى (كانت بايته معايا)
انا بطنى وجعانى جدا بس مش وجع الجرح
بطنى نفسها فيها حاجه غريبه
احساس غريب مش عارفه اوصفه بس مؤلم جدا
ندهنا الدكتوره وكشفت وقالتلى لا عادى
الرحم بس بيعمل انقباضات وبيرجع مكانه
قلتلها لالا انا حاسه انه وجع فالامعاء نفسها
قالتلى مش انتى عملتى حمام عادى
قلتلها اه
قالتلى طب انا فاهمه بقولك ايه
المهم انا كنت واثقه انه وجع امعاااااء
وفضلت ال28 يوم دول كلهم بعانى
من وجع قولونى وبطنى وامعااائى كلها
وزغطه بقا وقلق
ولما رحت افك السلك فهمت من الدكتوره الى ولدتنى
ان كل ده عشان اكلت مره واحده
قالتلى انا قلت لقمه فينو وعلبه عصير بس
وده بعد كذا مره يانسون وعلى بالليل كمان
وطلع ده نتيجه الطفاااااسه
فياريت بجد كل واحده هتولد قيصرى
بلاش تستهون وتستعجل فالاكل
عشان متتعبش التعب الى انا بشوفه لحد دلوقتى
وربنا يارب يقوم كل حامل بالسلامه
ويعطى كل متاخره فالحمل الذريه الصالحه يارب
**احساس رقيق** **احساس رقيق** 124435_15.gif ملكة فتكات Fatakat 124435 قلب جوزى – بناتى