صباح الفل يا فتوكاتى
انا طبعا مخنوقة من انفلونزا الخنازير
والى عملتة فينا
العشا مكرر
المهم
انا طبعا سألتكوا وانتوا ماعبرتونيش
قلت مابدهاش
ادخل المطبخ اعملى شوية معجنات
قبل مالراجل يتخانق معايا
طبعا العجينة دية جميلة اوى
وكلنا عارفينها
المقادير
3 كوب دقيق
نصف كوب زيت
كوب الا ربع ماء دافى
4 ملاعق لبن بودرة
1 ملعقة كبيرة خميرة فورية
1ملعقة كبيرة سكر
1 ملعقة كبيرة بكنج بودر بتاع الكيك
رشة ملح
الطريقة
نضع السكر على الماء الدافىء ليذوب
وبعدة نضع الخميرة
ونغطيها لمدة ربع ساعة فى الكوب
نضع الدقيق
+
الماء بالخميرة
+
اللبن
+
البكنج بودر
+
رشة الملح
+
الزيت
ونديها عجن للصبح
هههههههههه
يعنى اعجنى مدة كافية
10 دقايق
وعن تجربة يابنات
كل مازودتى العجن كل ماطريت واتخمرت صح
وطبعا تكونى مولعة الفرن على الهادى شوية
وتطفية وتحطى العجين فى طبق مغطى بفوطة
لمدة ساعة
وبعد كدة نبتدى الشغل
نرش السطح الى هنفرد علية بدقيق
ونفرد
ونشكل
ونحط فى الفرن
((طبعا شغلناة اكتر ربع ساعة))
انا عملت اكتر من حشوة
حشوة السرطانة والعقرب حبيبتى
جبنة+جزر+فلفل+زيتون+نعناع
وحشوة
جبنة مثلثات وزيتون
وحشوة جبنة بردة
اففففف
بس موتزاريلا مع زعتر وزيتون
ورشيت الوجة بحبة البركة
وسمسم
وحطتها فى الفرن
من تلت ساعة الى نصف ساعة
بس مش عارفة لية ورق الزبدة لزق فى المعجنات؟؟؟؟؟؟؟
وطلعت جميييييييييييييييييلة اوى يابنات
اسسيبكوا مع الصورذى ماعودتكوا فى مواضيعى
بالف هنا ليكوا يابناااااااااااااااااااااااات
مستنياكوا مواضيع هذا القسم برعاية
أم مهند الطيوبة أم مهند الطيوبة 4592_3.gif فتكات غالية قوي Fatakat 4592 متهببة فى الدنيا – مصر